Sahan media Muqdisho: Maraykanka, Shiinaha iyo UK ayaa ka mid ahaa dalalka ku jira Golaha Ammaanka ee Qaramada Midoobay oo ku celceliyay inay taageerayaan madax-bannaanida iyo wadajirka dhuleed ee Soomaaliya, intii lagu jiray shirkii Isniintii ee golaha ammaanka UN.
Qoraalkan waxaa bartiisa X ku soo qoray Harun Macruf oo saxafi caan ah kuna nool magaalada Washington DC ee dalka Maraykanka.
“Waxaan si qoto dheer uga walaacsanahay saamaynta xasiloonidarada keeni karta ee MOU ee lagu soo gabagabeeyey Itoobiya iyo Somaliland iyada oo aan oggolaansho laga helin dawladda federaalka ah ee Soomaaliya,” ayuu yiri wakiilka dublamaasiga ee Mareykanka Robert A. Wood.
“Mareykanku wuxuu ku biirayaa AU iyo saaxiibada kale ee caalamiga ah si aan u soo celino taageeradayada madax-banaanida iyo midnimada dhuleed ee Soomaaliya, anagoo ku boorinayna wadahadal diblomaasiyadeed si loo qaboojiyo xiisadaha. Waa muhiim in arrintani aysan ka jeedin caqabadaha muhiimka ah ee dowlad-dhisidda ee weli ka taagan Soomaaliya.”
Ku xigeenka wakiilka UK James Kariuki ayaa isna qaatay tibaax la mid ah.
“Sida aan horay u sheegnay, Boqortooyada Midowday (UK) waxay xaqiijinaysaa inay taageerto madax-bannaanida iyo wadajirka dhuleed ee Soomaaliya,” ayuu yidhi.
Dhanka kale, Ergeyga Gaarka ah ee Qaramada Midoobay @CatrionaLaing1 ayaa u sheegay xubnaha UNSC in ay tahay wax laga xumaado in wax horumar ah oo la taaban karo aan laga gaarin shirkii Midowga Afrika ee dhawaantan la xiriira xiisadda u dhaxeysa Soomaaliya iyo Itoobiya.
Waxay sheegtay in Is-afgaradkii dhawaa uu abuuray falcelin cadawtinimo oo xooggan oo shacabka Soomaaliyeed.
“Waxaan garwaaqsanahay in dareenka xooggan ee ka jira Soomaaliya uu cadaadis saarayo dowladda inay ka jawaabto, waxaana ku dhiirri-gelinaynaa madaxweynaha inuu sii cabbiro jawaabtiisa,” ayay tiri.
“Xaaladdan waa in lagu xalliyaa wadahadal wax ku ool ah. Arrinkaas, waxaa wax laga xumaado ah in aan wax horumar ah oo la taaban karo laga gaarin shir-madaxeedka Midowga
