Sahan Media Muqdisho: Dhaarinta xubnaha Golaha Madaxtinimada ee dawladda “Aasaaska ah” ee uu hogaamiyo hogaamiyaha Rapid Support Forces (RSF) Lt Gen Mohamed Hamdan Dagalo (Hemedti), ku xigeenkiisa Abdelaziz El Hilu ee Nyala Sabtidii, ayaa Mohamed Hassan El Tawashi u dhaariyay Ra’iisul Wasaaraha Nyala,
Maxamed Sakariye, oo ah Afhayeenka Xisbiga Dimuqraadiga iyo Dhaqdhaqaaqa Caddaaladda iyo Sinnaanta, ayaa hoos u dhigay tallaabadii lagu soo dhisay Dawlad Aasaasi ah, wuxuuna ku tilmaamay tallaabo guul-darraysatay oo aan waxba ka beddeli doonin in dalka Suudaan uu ku sii jiro midnimadiisa ciidankeeda iyo hay’adihiisa.
Waxa uu ku tilmaamay tillaabada “dhaqdhaqaaq quus ah” ka dib guul-darrooyin milateri iyo kuwo siyaasadeed oo soo gaaray RSF-ta.
Isagoo la hadlayay Radio Dabanga, wuxuu intaas ku daray in tallaabada lagu soo dhisayo dowlad-gobolleedka Nyala ay tahay awood-darro siyaasadeed iyo musalafnimo maskexeed, wax saameyn ahna aysan ku yeelan doonin dhulka marka laga reebo go’doon badan.
Wuxuu sheegay in taageerada Midowga Afrika oo uu wakiil ka yahay Golaha Ammaanka iyo Nabadda ee Afrika ay u fidiyaan Suudaan iyo madax-banaanideeda iyo diidmada dowladda barbar-socodka ah iyo sidoo kale mowqifka Jaamacadda Carabta oo ay ku caddeeyeen in ay taageersan yihiin dowladda Suudaan, ay xaqiijinayso go’doominta Isbaheysiga Tawasiis iyo dowladdiisa oo ku guuldareystay in ay hesho aqoonsi iyo sharci.
Wuxuu ku nuux-nuux saday in midnimada Suudaan ay tahay khad cas, isla markaana aysan wax u dhimi doonin dhagar iyo fal-dambiyeedyo, waa sida uu hadalka u dhigaye.
Saleebaan Sandal, oo ah hoggaamiyaha Isbahaysiga Tawasis, ayaa sheegay in ku dhawaaqista Dawladdii la Aasaasay ay tahay “dhalasho Jamhuuriyaddii Labaad ee burburka Jamhuuriyaddii kowaad ee fashilantay, taas oo dadka Suudaan ka dhaxashay dagaallo, nacayb, isir nacayb iyo horumar la’aan”.
Waxa uu ku nuuxnuuxsaday in hadafka ah cadaaladda, ka xoraynta dhammaan Suudaan oo ay gacanta ku hayaan waxa uu ugu yeedhay kooxda Port Sudan iyo kooxaha argagixisada in ay hoos yimaadaan calanka Jamhuuriyadda labaad, si halku-dhegyada midnimada, xorriyadda, nabadda, caddaaladda iyo sinnaanta ay u guuleystaan, iyo in dadka Suudaan ay ku dhaqmaan madaxbannaanida dhulkooda iyo kheyraadkooda.
