Sahan Media Muqdisho: Sida ay ku warramayso warbaahinta dalka Maraykanka, maamulka Trump ayaa amar ku siiyay hay’adda socdaalka iyo canshuuraha ee ICE inay beegsadaan dadka Soomaalida ah ee aan sharciga haysan ee ku nool xaafadda mataanaha ah ee gobolka Minnesota.
Madaxweynaha Mareykanka Donald Trump ayaa weerar kulul ku qaaday dadka Soomaalida ah ee aan sharciga lahayn, wuxuu ku tilmaamay inay yihiin qashin, wuxuuna sheegay in uusan dooneyn soo galootiga Soomaalida ah, sababtoo ah wax yar ayay ku soo kordhiyaan Mareykanka.
“Ma doonayo inay dalkayaga joogaan, daacad baan kuu sheegayaa, OK, qof ayaa dhihi doona,” Oh, taasi siyaasad ahaan sax maaha. Waxba igama gelin. Trump ayaa Talaadadii ka sheegay shirka Golaha Wasiirada.
“Daacad ayaan kuu sheegayaa, Mareykanka wuxuu mari lahaa waddo qaldan haddii aan sii wadno qaadashada qashinka dalkeena,” ayuu markale ku celiyay Trump.
Hadallada cayda ah ee Trump ayaa yimid maalmo ka dib markii maamulkiisu uu ku dhawaaqay inuu joojinayo dhammaan go’aannada magangalyada ka dib toogashadii laba askari oo ka tirsan Ilaalada Qaranka ee Washington oo aysan Soomaalidu ku lug lahayn.
