Sahan Media Muqdisho: Trump ayaa ku tilmaamay soo-galootiga Soomaalida ee ku nool Mareykanka “qashin” isagoo raba inay isaga tagaan Maraykanka.
Hadalladan adag ayaa yimid ka dib markii qof aqoon u leh qorshaha Trump uu sheegay in mas’uuliyiinta federaalku ay diyaarinayaan hawl-gal lagu dhaqan-gelinayo socdaalka Minnesota oo inta badan diiradda lagu saarayo soogalootiga Soomaalida ah ee sida sharci-darrada ah ugu nool Mareykanka. Ku dhawaad 58% Soomaalida Minnesota waxay ku dhasheen Mareykanka, Soomaalida ajnabiga ah ee halkaas ku dhalatay, 87% waa dad haysta dhalashada Mareykanka.
Soomaaliya ayaa sidoo kale kamid ah wadamada uu maamulka Trump todobaadkan hakiyay dhammaan codsiyada socdaalka. Ra’iisul wasaaraha dalka Mudane Xamse Cabdi oo Arbacadii goob fagaare ah wax laga weydiiyay hadallada Trump, kama uusan hadlin.
Ilhan Cumar waxay ku doodday in Trump uusan beegsanayn Soomaalida oo keliya balse uu beegsanayo “muhaajiriinta kale ee aadka u badan,” gaar ahaan kuwa Madow iyo Muslimka, waxayna ku eedeeysay in uu abuurayo qaab “ cunsuriyad nacayb iyo Islaam nacayb ah.” In ka badan 90% Soomaalida Minnesota waa muwaadiniin Maraykan ah, Ilhan Cumar ayaa qortay, iyadoo ku daray in xubnaha bulshada Soomaalida ay yihiin “dhakhaatiir, macalimiin, saraakiil booliis ah iyo hoggaamiyeyaal la soo doortay oo ka shaqaynaya sidii dalkeennu u wanaagsanaan lahaa.”
Trump ayaa si isdaba joog ah u dhaleeceeyay dib u dejinta qaxootiga iyo soogalootiga Muslimiinta, wuxuuna usbuucan sheegay in dadka soogalootiga ah ay “ku laabtaan halkii ay ka yimaadeen.” Ilhan Cumar waxay sheegtay in hadalada madaxweynaha ay leeyihiin cawaaqib adduunyo dhab ah, isagoo xusay in hanjabaado dil ah oo ku wajahan shaqsiyadeeda uu si cad u sheegay.
Waxay sheegtay in ay nafteeda ka walwalsan tahay sababtoo ah aniga waxaan heli kartaa ammaan laakin in badan Soomaalida Mareykanka ah mahaystaan ilaalin la mid ah.
“Hadafka madaxwaynuhu wuxuu noqon karaa inuu isku dayo inuu i bahdilo ama idumiyo,” “laakin beeshayda iyo dadka i soo doortay ayaa ii soo baxay markaas, sida ay hadda yihiin.” Ilhaan Cumar ayaa sidoo kale ku xiray luqadda Trump ajandihiisa siyaasadeed, iyadoo tixraacaysa faallooyin hore ama caay oo uu madaxwaynuhu ka sheegay Haiti iyo waddamada Afrika isagoo adeegsanaya ereyo sharaf dhac ah kuna eedeeyay muhaajiriinta Mexico inay yihiin dambiilayaal. wuxuu ballan qaaday inuu joojinayo soogalootiga Muslimiinta.
Halka Trump uu diiradda saaray weerarrada bulshooyinka soogalootiga ah, Ilhan Cumar waxay ku doodday in ajandihiisa gudaha uu ku guul darreystay iyo inuu bixiyo gargaar dhaqaale oo loo ballan qaaday dadka tabaalaysan, Waxay dhaleecaysay tariifadaha ama canshuurta uu hirgaliyay maamulka, waxayna ka digtay kor u kaca kharashaadka hoos yimaada cashuuraha sharciga daryeelka la awoodi karo ee dhacaya, waxayna sheegtay in dadka Maraykanku ay la kulmaan cadaadisyo awoodeed oo sii xumaanaya.
Ilhan waxay wacad ku martay inaan la cabsi gelin doonin. “Uma ogolaan doono Mr. Trump inuu na cabsi geliyo ama na wiiqo,” Ma baqayno ayay tiri.
