Sahan Media Mogadisho: Soomaali si khalad ah ugu ololeeyay madaxweyne Donald Trump 2024 ayaa u jaray dhammaan xiriirkii uu la lahaa madaxweynaha hadal uu dhawaan jeediyay oo uu ku tilmaamay Soomaalida dad “qashin ah,” isagoo ku dhalleeceeyay “cunsuri” isagoo kasoo muuqday CNN.
Hadallada Trump waxay ahaayeen mid aad u fool xun oo ka dhan ah darajada madaxweynanimada in uu bulsho dhan ku tilmaamay qashin,” Tani sina looma aqbali karo ayuu yiri Salmaan Fiqy.
Fiqy wuxuu si toos ah uga shaqeeyay ololihii Trump sannadkii hore, isagoo si weyn uga dhex muuqday mid ka mid ah isu soo baxyada madaxweynaha ee St. Cloud, Minnesota bishii Nofembar 2024, wuxuu kala hadlay madaxda kale ee Soomaalida Minnesota in ay taageeraan Trump.
Hadalkii Trump ee horaantii isbuucan ayaa si kastaba ha ahaatee dhabarka ka jabiyay Fiqy. hadalladii uu ka sheegay Soomaalida iyo jinsiyadaha kale oo ahaa cunsurinimo, waxayna dabka ku sii shiday xaqiiqda cunsuriyadda ee xisbiga dhexdiisa,” ayuu yiri Fiqy.
Fiqy ayaa wareystay Victor Blackwell oo ka tirsan CNN, kaasoo weydiiyey Fiqy inuu ka qoomameynayo codeynta Trump iyo in kale.
“Maya, kama qoomamaynayo codkayga sababtoo ah waxaan u arkaa siyaasadda loo maro muxaafidnimo, welina waxaan leeyahay qiyam muxaafid ah oo aan siyaasadda ku arko muraayaddaas. “Laakin waxaan kala noqday dhammaan xiriirkii GOP ee Minnesota,
Dhanka Trump, Cambaareynta Fiqy ayaa ka gudubtay hadallada deelqaafka ah ee uu madaxweynaha kula kacay Soomaalida, isagoo ku dooday in madaxweynaha uu ku guul-darreystay inuu fuliyo wax badan oo uu ballan-qaaday xilligii ololaha.
“Waxa uu u muuqdaa mid aan ka soo bixin ballanqaadyadii uu u ballanqaaday dalka,” ayuu yiri Fiqy.
Maamulka Trump ayaa dhawaan bilaabay howlgalo ballaaran oo ka dhan ah ICE-da Soomaalida ku nool gobolka Minnesota, waxa uuna ku hanjabay in uu soo afjari doono xaalada ku meel gaarka ah ee dadka muhaajiriinta ah ee ka imaanaya wadamada Afrika.
