Sahan Media Muqdisho: Xafiiska Xuquuqul Insaanka ee Qaramada Midoobay ayaa ka ka digay goor hore in dadka reer Uganda ay u dareeri doonaan goobaha cod bixinta iyadoo ay jirto “caburnaan iyo caga-jugleyn baahsan oo ka dhan ah mucaaradka siyaasadeed, difaacayaasha xuquuqda aadanaha, saxafiyiinta iyo kuwa fikradaha diiddan”.
Goobaha codbixinta ayaa la soo xiray ka dib maalin uu buuq badan ka dhacay codbixinta, halkaasoo madaxweyne Yoweri Museveni uu rajeynayo inuu kororsado afarta sano ee soo socota si uu xukunka usii hayo iyadoo ay jirto olole ka dhan ah mucaaradka iyo internet-ka oo si weyn loo cambaareeyay.
Codbixinta ayaa dhowr saacadood dib u dhacday Khamiistii shalay goobo badan oo codbixineed oo ku yaalla dalka Uganda, iyadoo sanaadiiqda cod bixinta ay yaraadeen, mishiinnada biometric ee loo adeegsanayay xaqiijinta aqoonsiga codbixiyayaashuna ay ciladoobeen, kuwaas oo qaarkood ay ku eedeeyeen xannibaaddii internetka.
“Doorashooyinka waxaan ku qabaneynaa si hoose oo mugdi,” ayuu yiri ninka ugu weyn ee la tartamaya Museveni, oo ah heesaa isu rogay siyaasi Bobi Wine, ka dib markii uu codkiisa dhiibtay.
“Tani waxaa loo sameeyaa si loo fududeeyo musuqmaasuqa la doonayo in lagu sameeyo nidaamka,” ayuu yiri. “Waxaan ku dhiirigelineynaa dadka Uganda inay iska caabiyaan Madaxweyne Musevivi.”
Ma jiro wax mudaaharaad ah oo la sheegay in ay ka dheceen, goobaha codbixintu ay bilaabeen goor hore soona xidhmaan waxii ka dambeeyay 5pm (14:00 GMT) wakhtiga maxaliga ah, waxaana bilaabmay tirinta codadka, iyadoo natiijada la filayo 48 saacadood gudahood.
Museveni, oo xukunka hayay tan iyo 1986-kii, ayaa u sheegay suxufiyiinta ka dib markii uu codkiisa ka dhiibtay galbeedka Uganda in uu filayo in uu ku guuleysan doono 80 boqolkiiba codadka “haddii aysan jirin wax khiyaamo ah”, isaga oo meesha ka saaray rajada laga qabo in uu guuleysto Wine.
Doorashadan ayaa ku soo beegantay iyadoo 81-sano jirkan xilka haya lagu eedeyay inuu dusha kala socday olole sanado ah oo ka dhan ahaa dadka dhaliila, xariga hogaamiyayaasha mucaaradka siyaasadeed iyo taageerayaashooda.
Dhowr maalmood ka hor codbixintii Khamiista, hay’adda sharciyeynta ee dawladda Uganda ayaa ku amartay hawl-wadeennada shabakadaha mobilada inay xannibaan isticmaalka internetka ee dadweynaha ee waddanka, iyagoo sheegay in tallaabadan looga golleeyahay in looga hortago “isdhaafsiga xogaha khaldan” iyo suurtagalnimada khiyaano ka timaada codbixiyayaasha.
Laakin siyaasiyiin ayaa soo jeediyay dhaleecayn, oo ay ku jirto Amnesty International, oo cambaareysay xiritaanka bogga internetka.
Marka laga soo tago Wine, lix musharrax oo kale oo mucaarad ah ayaa Khamiistii la loolamay Museveni iyadoo codbixiyayaasha Uganda ay sidoo kale doorteen xubnaha baarlamaanka.
