Sahan Media Muqdisho: Garsoore heer federaal ah ayaa soo saaray amar jimcihii diiday in la hor istaago siyaasadda socdaalka ee muranka badan dhalisay ee saameynaysa magangelyo-doonka Soomaalida, oo ay ku jiraan qaar badan oo ku sugan Minnesota.
Dacwadda waxaa keenay Hines Immigration Law iyo Hay’ad aan faa’iido doon ahayn oo lagu magacaabo The Advocates for Human Rights, oo ku doodday in Soomaalida magan-galyo doonka ah si gaar ah loo dhawro oo si deg-deg ah loo maro nidaamkaas.
Shirkadda qareenada ayaa sheegtay in laga soo bilaabo Jannaayo, dowladdu ay galisay ama xalisay kiisaska Soomaalida ku lug leh si gooni ah oo degdeg ah.
“Siyaasadda Dhaq-dhaqaaqa Degdegga ah ee Soomaaliya oo kala saarta waqtiga Soomaalida aan la xirin oo banaan joogga ay yihiin iyo qareenadooda si ay si hufan u diyaariyaan kiisaskooda, waxayna u badan tahay in ay keeni doonto in meesha laga saaro soogalootiga Soomaaliyeed ee u qalma in la ilaaliyo,taasina waxa ay dhaawaceysaa dacwoodayaasha, bixiyeyaasha adeegga sharciga ama qareenada ayaa leh ujeedo wadareed ah in ay ka shaqeeyaan xaqiijinta helitaanka dacwado buuxa oo cadaalad ah oo la horgeeyo maxkamadaha socdaalka.
Xukunka maxkamadda ayaa sheegtay in ay jiraan cadeymo muujinaya in kiisaskan la dardar geliyay. Laakiin xaakimka dagmada Maraykanka Carl Nichols ayaa ogaaday in kooxaha keenay kiiskan aysan muujin sababo sharci oo ku filan oo lagu caddeeyo faragelinta degdega ah.
Waxaana uu soo jeediyay in macaamiisha Soomaalida ee shirkadu ay caqabad adag ka keeni karaan maxkamadda.
