Sahan Media Muqdisho: Waaxda arrimaha dibadda ee Mareykanka ayaa hakin doonta fiisaha dal-ku-galka dadka ka socda tobanaan waddan, sida uu sheegay qof arrintan la socda, taas oo calaamad u ah mid ka mid ah tallaabooyinka ugu daran ee maamulka Trump uu ku kacayo dhinaca ololeheeda socdaalka.
Qoraal waaxeed ayaa sheegaya in Mareykanka uu hoos u dhigayo habaynta fiisaha ilaa 75 waddan, sida uu sheegay qofkan oo codsaday in la qariyo isagoo ka hadlaya dukumeenti aan si rasmi ah loo shaacin. Muwaadiniinta ka soo jeeda qaar ka mid ah dalalka ay ku jiraan sida Afgaanistaan, Iran, Ruushka iyo Soomaaliya ayaa durbaba heysta fursad yar oo ay ku helaan fiisaha. Balse tillaabadan ayaa naxdin ku noqon doonta dadka ka imaanaya wadamada kale ee liiska ku jira oo ay ku jirto Brazil.
Idaacad ayaa soo warisay arrintan Arbacadii hore. Talaabadan ayaa albaabada u xiraysa u safarka cusub ee Maraykanka in ka badan saddex meelood oo meel ku dhawaad 200 oo wadan.
Talaabadan ayaa timid ka dib markii Trump uu ku hanjabay xayiraado dheeri ah oo fiisaha ah ka dib markii muwaadin u dhashay Afgaanistaan uu toogtay laba askari oo ka tirsan Ilaalada Qaranka Washington dabayaaqadii sanadkii hore.
Sida laga soo xigtay warbixinta Fox, saraakiisha qunsuliyada ayaa la faray inay diidaan codsiyada fiisaha ilaa inta dib loo qiimeynayo hababka baaritaanka iyo hubinta. Joojintu waxay dhaqan galaysaa Janaayo 21, ayay tidhi.
Maamulka Trump ayaa horey ugu soo rogay shuruuc aad u adag habka baaritaanka fiisaha kaas oo sanado badan ka mid ahaa kuwa ugu adag aduunka. Sannadkii hore, maamulku wuxuu amar ku siiyay saraakiisha inay baaraan codsadayaasha profile-yada warbaahinta bulshada calaamadaha aragtida Mareykanka ka soo horjeeda.
