Sahan Media Muqdisho: Mahamoud Ali Youssouf, Guddoomiyaha Guddiga Midowga Afrika, ayaa sheegay in Afrika ay u baahan tahay “caddaalad, muhiim ah oo la saadaalin karo” maaliyadda cimilada. Waxa uu sheegay in Afrika ay tahay in ay iskaashi la sameyso beesha caalamka si wax looga qabto dayacanka ay sababaan isbeddelka cimilada, sida culeyska deynta iyo nidaamyada maaliyadeed ee caalamiga ah oo aan caddaalad ahayn.
Si loo furo maal-gashi, Afrika waxay u baahan tahay inay is-kaashato, ayay tiri Meron Tesfamichael, oo ah maamulaha barnaamijka tamarta Afrika ee machadka Kheyraadka Adduunka (WRI). Waxay sheegtay in qaaraddu ay u baahan tahay inay horumariso ganacsiga gobolka iyo sidoo kale wadaagga aqoonta taasoo wax ku kordhin karta wax soo saarkeeda tamarta nadiifka ah.
Ra’iisul Wasaaraha Itoobiya Abiy Axmed oo isagana ka hadlay munaasabadda furitaanka ayaa sheegay in la joogo waqtigii dib loo habeyn lahaa doorka Afrika ee ku aaddan wax-ka-qabashada cimilada, halkii ay diiradda saari lahaayeen xaddidaaddeeda maaliyadeed iyo tignoolajiyadeed.
Madaxweynaha Kenya William Ruto ayaa aqbalay, wuxuuna sheegay intii ay socotay xafladda furitaanka in hamiga cimilada Afrika ay tahay in lagu kabo ama siyaadiyo “maalgashi, tartan, iyo madax-bannaani”.
Inkastoo qaaradda Afrika ay hiigsaneyso in ay gaarto 300 GW oo awood dib loo cusboonaysiin karo marka la gaaro 2030-ka -kaas oo ah bartilmaameed lagu dejiyay 2023 magaalada Nairobi – Afrika waxa ay ku dartay wax ka yar boqolkiiba hal cimilada la cusboonaysiin karo.
Ruto ayaa sheegay in tani ay sabab u tahay in “maalgashiyo aad u badan ay weli kala qaybsan yihiin.
