Sahan Media Muqdisho: Iran iyo Cumaan ayaa la sheegay in horay loogu sheegay in ergeyga gaarka ah ee Mareykanka Steve Witkoff iyo wiilka uu soddogga u yahay madaxweynaha Mareykanka Donald Trump Jared Kushner ay booqan doonaan Markabka USS Abraham Lincoln .
CNN ayaa Axaddii sheegay in Tehran iyo Muscat ay heleen ogeysiis sare oo ku saabsan booqashada tallaabadaas oo sida muuqata muujisay khatarta joogtada ah ee tillaabada militariga Mareykanka ee ka dhanka ah Iran haddii aysan aqbalin heshiis lagu xakameynayo barnaamijkooda Nukliyeerka.
Sida laga soo xigtay Channel 12, Tehran ayaa la ogeysiiyay booqashada ka hor si aysan Iiraaniyiinta uga xanaaqin haddii la ogaado
Witkoff iyo Kushner, oo hoggaaminayay wadahadalladii wafdiga Mareykanka ay Iran kula yeesheen Cumaan Jimcihii, ayaa booqday markabka xamuulka qaada oo uu casuumaad ka helay taliyaha guud ee taliska Mareykanka, Adm. Brad Cooper.
Maraykanka iyo Iran ayaa dib u furay wada xaajoodyadii hore ee Nukliyeerka ee u dhexeeyay labada dal, taas oo sabab u ahayd dagaalkii 12-ka maalmood socday ee Israel ay la gashay Iran bishii June 2025, kaas oo ku dhammaaday weerar uu Maraykanku ku qaaday goobo badan oo Nukliyeer ah oo Iran ah.
Iran ayaa marar badan meesha ka saartay inay aqbasho dalabka muhiimka ah ee Washington ee ah inay ka tanaasusho kobcinta Uranium-ka.
Ka dib wareegii koowaad ee Jimcihii ee Cumaan, Trump wuxuu saxiixay amar fulin ah oo ku baaqaya “in lagu soo rogo canshuuraha” wadamada wali ganacsiga la leh Iran inkastoo Mareykanka uu cunaqabatayn saaray.
