Sahan Media Muqdisho: Iyadoo ay iska kaashanayaan Dowladda Federaalka Soomaaliya, Taliska Mareykanka ee Afrika ayaa duqeyn sax ah ka fuliyay meel qiyaastii 10km Koonfur-galbeed kaga beegan magaalada Kuyno Barrow, kaasoo sababay dhimashada hoggaamiyihii sare ee Al-Shabaab, Maxamed Mire iyo mid kale oo ka tirsan Al-Shabaab.
Mire, oo sidoo kale loo yaqaan Abu Cabdiraxmaan, wuxuu mas’uul ka ahaa maamul-goboleedka al-Shabaab ee Soomaaliya 15-kii sano ee la soo dhaafay. Marka laga soo tago in uu ka mid ahaa xubnihii ugu mudada dheeraa Al-Shabaab, Mire waxa uu soo noqday wasiirkii arrimaha gudaha, waxaana uu door muhiim ah ka qaatay go’aannada istaraatiijiga ah ee kooxda.
Iyadoo lagu salaynayo qiimeynta bilowga ah, ma jiraan dad rayid ah oo waxyeelo soo gaartay.
“Sida Istaraatiijiyada Amniga ay qeexayso, Ameerika waxa ay ku adkeysaneysaa in ay ka hortagto khataraha isa soo taraya ee argagixisada,” ayuu yiri Gen. Michael Langley, taliyaha AFRICOM. Tilmaanta Argagaxisada Caalamiga ah waxay iftiimisay in ururada argagixisadu ay weli yihiin khatar caalami ah. Al-Shabaab waa mid ka mid ah khatarahaas, waxaana kula shuraakoobaynaa dowladaha isku fikirka ah ee gobolka si aan ula dagaalanno iyaga iyo kuwa kale ee xumaanta wada. In loo midoobo ka-hortagga khatarahaas caalamiga ah waxay kor u qaadaysaa amniga gobolka, xasilloonida iyo barwaaqada.”
Oktoobar 17, 2022, Waaxda Arrimaha Dibedda ee Maraykanku waxay u aqoonsatay Mire inuu yahay argagixiso caalami ah oo si gaar ah loogu asteeyey iyadoo la raacayo Amarka Fulinta (E.O.) 13224.
Sababo la xiriira amniga shaqada, waxyaabaha gaarka ah ee howlgalka lama shaacin karo; si kastaba ha ahaatee, talisku wuxuu sii wadi doonaa inuu qiimeeyo natiijooyinka hawlgalka iyo bixinta macluumaad dheeraad ah waqtiga ku habboon.
