Sahan media Muqdisho: Boqortooyada Ingiriiska ayaa 7.5 milyan oo gini oo kale siisay howlgalka Midowga Afrika ee Soomaaliya ee ATMIS. Wareegii u dambeeyay ee maalgelinta waxa uu dhisayaa tabarucaadkii hore waxa uuna kordhinayaa tirada guud ee taageerada maaliyadeed ee Boqortooyada ingiriiska ee ATMIS iyo AMISOM labadaba tan iyo 2021 ilaa £77 milyan. ATMIS waxa ay door muhiim ah ka ciyaartaa amniga Soomaaliya, iyadoo ilaalinaysa meelaha muhiimka ah oo ay ku jiraan xarumaha dadweynaha, jidadka sahayda iyo kaabayaasha dhaqaalaha. Waxay sii waddaa taageerada ay siiso Ciidanka Qaranka Soomaaliyeed hawlgallada wadajirka ah, fududaynta gargaarka bini’aadantinimo, iyo ilaalinta hannaanka siyaasadeed oo ay ku jiraan doorashooyinka.
Lacagta UK ayaa u sahashay ATMIS in ay hagaajiso amniga Soomaaliya iyada oo la dagaalanto al-Shabaab iyo in la yareeyo saameynta kooxda. Ciidamada ATMIS-ka ayaa sidoo kale ilaaliya dadka rayidka ah ee Soomaaliyeed marka ay ka shaqeynayaan xaqiijinta Soomaaliya oo xasiloon oo ammaan ah si ay uga faa’iideysato dadkeeda iyo gobolka. Dhaqaalahan cusub ayaa lagu maalgelin doonaa gunnooyinka ciidamada ee shanta dal ee ay ciidamadu ka joogaan Soomaaliya (Burundi, Djibouti, Ethiopia, Kenya iyo Uganda), waxayna ka caawin doontaa ATMIS in ay dhamaystirto waajibaadkeeda shaqo ee ah in si weji leh ay mas’uuliyadaha amniga ugu wareejiso Ciidamada Ammaanka Soomaaliya. Dhaqdhaqaaqyada ATMIS waxay muhiim u yihiin safarka Soomaaliya ee dhinaca amniga iyo xasilloonida, laakiin kuwani waxay u baahan yihiin taageero caalami ah oo joogto ah.
Boqortooyada (UK) waa saaxiib dhow oo soo jireen ah oo Soomaaliya ah, waana hormuudka deeq bixiyayaasha ATMIS. Anagoo taageernay ATMIS, ma maal galineyno oo kaliya amniga Soomaaliya maanta laakiin sidoo kale waxaan ku maalgelineynaa xasiloonideeda iyo barwaaqadeeda berrito. Waxaan ku dhiirigelinayaa la-hawlgalayaasha dhaqanka iyo kuwa aan dhaqanka ahayn inay dhaqaale ahaan ku taageeraan howlgalka beddelka ATMIS si loo xaqiijiyo mustaqbal sugan oo xasilloon dhammaan Soomaalida iyo gobolka.
Wasiirka Difaaca Soomaaliya, C/qaadir Maxamed Nuur, ayaa soo dhaweeyay taageerada UK, isagoo xusay maalgelintan ayaa muhiim u ah taageeridda dadaallada ATMIS iyo ciidamada ammaanka Soomaaliya. Waxaan bogaadinaynaa iskaashiga joogtada ah ee UK ee dib-u-dhiska Soomaaliya oo ammaan ah. Taageerada joogtada ah ee saaxiibadeenu waxay ahaan doontaa mid muhiim ah inta aan ka shaqaynayno jawi amni oo waara oo dalkeena ka dhaca.
Guddoomiyaha Midowga Afrika (AU) ee Arrimaha Siyaasadda, Nabadda iyo Ammaanka (PAPS), H.E. Danjire Bankole Adeoye ayaa sidoo kale sheegay in uu aad ugu faraxsan yahay ka qeyb qaadashada UK, waxa uuna carabka ku adkeeyay muhiimada ay leedahay sii wadida taageerada caalamiga ah.
Waxaan si kal iyo laab ah uga mahadcelinayaa safaaradda Ingiriiska taageerada joogtada ah ee ay siiso Midowga Afrika iyo deeqdan deeqsinimada ah iyo waqtiga ku habboon ee £7.5 milyan ah ee ay ugu tabarucday ATMIS. Waxaan ku boorineynaa saaxiibada kale inay ku daydaan UK oo ay maalgashadaan amniga Soomaaliya si loo xaqiijiyo nabad waarta iyo xasilloonida Soomaaliya iyo guud ahaan gobolka.
