Sahan Media Muqdisho: Qorshaha Waaxda Maaliyadda ee Mareykanka ayaa lagu kordhiyay hubinta baarista lacagaha dibadda loo diro in aysan ka imaanin lacagaha adeegga bulshada oo micneheedu yahay qof cayr qaata iskaa ee qof xitaa haysta kaarka caafimaadka in uusan wax diri karin.
Bessent ayaa jimcihii ku dhawaaqay Shabakadda Xoojinta Dembiyada Maaliyadeed ee (FinCEN) inay baarayso qaar ka mid ah ganacsiyada adeegyada lacagaha (Xawaaladaha) taasoo qayb ka ah burburinta ku xadgudubka lacagaha bulshada federaalka ee Minnesota, halka bangiyada qaar ay baari doonaan xawaaladaha Gudaha ee lagu eedeeyay lacag dhaqid.
FinCEN waxa kale oo ay soo saartay amar ah baarista bangiyada iyo xawilaadaha lacagaha ee degmooyinka Hennepin iyo Ramsey ee Minnesota, kaas oo u baahan doona shirkadaha ama xawaaladaha in ay soo sheegaan macluumaad dheeraad ah oo ku saabsan lacagaha loo diray meel ka baxsan Maraykanka waxii kabadan $3,000.
Mar la weydiiyay haddii ay tani saameyn qabow ku yeelan doonto lacagaha sharciga ah ee ay soogalootiga u soo diraan qoysaska dibadda, Bessent wuxuu yiri, “Maya.
Bessent waxa uu sheegay “Lacag cayr ah uma diri kartid Soomaaliya. Hadaad lacag dirayso macnaheedu waa inaad wax badan qaadanayso, ama aad diri kartid lacag lasoo xaday.”
Xawaaladaha ayaa ah boqolkiiba boqol wax soo saarka guud ee wadamo badan oo faqiir ah, oo ay ku jiraan El Salvador iyo Somalia.Gudoomiyaha Minnesota Tim Walz, oo ahaa musharaxa Dimuqraadiga ah iyo musharaxa madaxweyne ku xigeenka ee doorashada 2024 kii, ayaa todobaadkan ku dhawaaqay in aanu mar saddexaad isa soo sharrixi doonin, taas beddelkeedana uu diiradda saarayo eedeymaha ku saabsan musuqmaasuqa daryeelka dowliga ah.
