Sahan media Muqdisho: Itoobiya waxay aad u danaynaysaa inay xaqiijiso danaheeda sharciga ah ee ah il la isku halayn karo oo laga soo galo badda si nabad ah, ayuu yiri wasiirka arrimaha dibadda TayeAtske-Selassie, ka dib markii la soo gabagabeeyay wada-hadalladii wareegga labaad ee Soomaaliya.
Wasiirka Arrimaha Dibadda Turkiga oo maanta shir jaraa’id ku qabtay magaalada Ankara ee dalka Turkiga ayaa sheegay in wada-hadalladii labada maalmood socday ee u dhexeeyay Itoobiya iyo Soomaaliya ee ka dhacay Ankara la soo gebagebeeyey.
Intii uu socday shirka jaraa’id ayuu Taye si kal iyo laab ah ugu mahadceliyey Madaxweyne Recep Tayyip Erdogan iyo Dowladda Turkiga oo isku xilqaamay sidii xal loogu heli lahaa khilaafaadka Addis Ababa iyo Muqdisho.
Taye waxa kale oo uu carrabka ku adkeeyay danta sharciga ah ee Itoobiya iyo habka nabadeed ee ay ku xaqiijinayso gelitaanka iyo ka soo gelidda badda ee la isku halayn karo.
Waxa uu xusay in Itoobiya ay ku dadaaleyso sidii ay xiisadda u dejin lahayd, ayna dib u soo celin lahayd xiriirkii gobolka.
“Waxaan rajeyneynaa inaan sii wadno wada shaqeynta taasoo ugu dambeyntii naga caawin doonta inaan xallino khilaafaadka hadda jira oo aan soo celinno xiriirkii caadiga ahaa. Waxaan runtii ogsoonnahay in waxyaabo waaweyn lagu go’aamin karo wada shaqayn joogto ah.”
Sidaa darteed, waxaa waajib ku ah dhinacyada in si wanaagsan loo wada shaqeeyo, lagana eego xaaladda hadda jirta, ayuu yiri Taye, isaga oo intaa ku daray in Itoobiya ay rajaynayso in wejigii saddexaad ee wada-hadallada Soomaaliya ay la furto mid miro dhal ah oo soo socda.
Wasiirka Arrimaha Dibadda iyo Iskaashiga Caalamiga ee Xukuumadda Federaalka Soomaaliya Mudane Axmed Macalin Fiqi, ayaa ku taliyay sida ay uga go’an tahay Turkiga inay nabad iyo xasillooni ka dhalato gobolka, wuxuuna caddeeyay in horumar laga gaaray dooda wareegga labaad.
“Markii aan isu imaanno wadahadalka wareegga saddexaad, waxaan ku rajo weynnahay in dardargelinta aan dhisnay ay horseedi doonto xal kama-dambays ah,” ayuu yiri.
Waxa uu sidoo kale ku celiyay sida ay dowladiisa uga go’an tahay in la gaaro natiijooyin nabadeed oo labada dhinacba faa’iido u leh.
