Sahan media Muqdisho: Shir madaxeedkii Carabta ee sannadlaha ahaa ee ka dhacay Baxrayn ayaa Khamiista ugu baaqay xabbad-joojin ka dhacda marinka Qaza iyo shir caalami ah oo nabadeed oo Bariga Dhexe ah.
Tani waxay ku soo beegantay shir jaraa’id oo uu Xoghayaha Guud ee Jaamacadda Carabta Ahmed Aboul-Gheit ku qabtay Manama ka dib shir-madaxeedka hal maalin socday.
Aboul-Gheit ayaa sheegay in Baaqa Manama ay ku jiraan qoraal “ku baaqaya xabbad-joojin Gaza iyo shir nabadeed caalami ah oo Bariga Dhexe.”
Dagaalka Israa’iil ee Marinka Gaza ayaa u badnaa ajandaha shirka, kaasoo ka furmay caasimadda Baxreyn horaantii Khamiista.
Israa’iil ayaa sii waday weerarka naxariis darada ah ee ay ku hayso marinka Qaza in kasta oo golaha ammaanka ee Qaramada Midoobay uu soo saaray qaraar uu ku dalbanayo xabbad-joojin degdeg ah oo laga sameeyo deegaankaas.
In ka badan 35,200 oo falastiiniyiin ah ayaa tan iyo markaas la dilay, kuwaas oo u badan haween iyo carruur, iyo in ka badan 79,200 oo kale oo la dhaawacay tan iyo bishii Oktoobar ee la soo dhaafay ka dib markii Xamaas ay weerartay.
In ka badan toddobo bilood oo uu socday dagaalka Israa’iil, dhul baaxad leh oo Gaza ka tirsan ayaa burburay iyada oo ay curyaamisay xannibaadda cuntada, biyaha nadiifka ah iyo dawooyinka.
Israa’iil ayaa lagu eedeeyay “xasuuq” maxkamadda caalamiga ah ee cadaaladda, taas oo ku amartay Tel Aviv in ay hubiso in ciidamadoodu aysan samayn falal xasuuq ah oo ay qaadaan tallaabooyin lagu dammaanad qaadayo in gargaarka bini’aadantinimo la siiyo dadka rayidka ah ee Gaza.
