Sahan media Muqdisho: Dab xooggan ayaa ka kacay suuqa weyn ee Bakaaraha, gaar ahaan goobaha ganacsi ee ku yaalla wadada isku xirta dhismaha shirkadda Somtel iyo suuqa Cabdalla-shideeye,
Dabka ayaa si gaar ah u qabsady qaybta Cabdalle Shideeyaha ee suuqa, waxaana weli soconayo gurmad ay wadaan gaadiidka dab damiska oo ku howlan daminta dabkaasi.
Lama oga khasaaraha rasmiga ah ee ka dhashay, hase yeeshee olol xooggan ayaa cirka isku sii shareeraraya, Dadweyne fara badan ayaa sidoo kale gaaray goobta, kuwaas oo isugu jiro ganacsatada suuqa iyo dad kale oo shacab ah.
Dabka ka kaca suuqayada ayaa aad ugu badan Muqdisho, ayada oo dhowr mar uu gubtay suuqa weyn ee Bakaaraha iyo suuqyo kale ee ku yaalla caasimada.
