sahan media Muqdisho: Wararka ka imaanaya woqooyiga Itoobiya ayaa sheegaya in ugu yaraan 12 qof ay ku qaraqmeen kadib markii doon ay saarnaayeen ku degtay gobolka Axmaarada.
Doonta oo alwaax ka sameysan ayaa waday dad rakaab ah oo aas ka sameynayay wabiga Tekeze, kaasoo mara xadka Itoobiya ay la wadaagto Eritrea.
Doonta ayaa waxaa ku soo rogmaday daadad xooggan, waxaana ay dagtay Sabtidii.
26 qof ayaa loo malaynayaa inay saarnaayeen markii shilku dhacay.
Dadka badbaaday ayaa loo qaaday cisbitaal si loogu dabiibo, sida ay sheegtay wakaaladda wararka ee Axmaarada (AMC), oo uu ku jiro canug “si daran u dhaawacmay”.
Wali ma cadda in dhammaan meydadka dadka dhintay laga soo saaray biyaha.
Shaqada buundada aan la isticmaalin ee ku dhereran webiga Tekeze ayaa lagu waday in la dhameeyo bishii hore, laakiin dib u dhac ayaa ku yimid, sarkaal maxalli ah ayaa u sheegay AMC.
Helitaanka warbaahinta ee waqooyiga Itoobiya waxaa si weyn u xaddiday mas’uuliyiinta.
Gobolka ayaa waxaa dhawaanahan ka socday iska hor imaadyo u dhaxeeyay ciidamada Milatariga iyo Maleeshiyada Axmaarada ee loo yaqaano Fano.
