Sahan media Muqdisho: Bam lagu soo qariyay gaari-dameer ayaa shan qof ku dilay, shan kalena ku dhaawacay isniintii waqooyi bari Kenya, sida ay sheegeen saraakiisha wasaaradda arrimaha gudaha Kenya.
“Bamka ay qarxiyeen dambiilayaasha waxaa lagu raray gaari dameer si looga fogaado in la ogaado,” ayuu yiri wasiirka arrimaha gudaha Kithure Kindiki hadal la diyaariyay, isaga oo intaa ku daray in “goobta dambiyada [ee magaalada Ceel Waak] in la xiray si loogu daadgureeyo loona baaro. iyadoo laamaha kala duwan ee ammaanka lagu raad joogo raggii weerarka soo qaaday.”
Kindiki ma uusan sheegin cid looga shakisan yahay in ay ka danbeeyeen weerarkan, kaas oo aan cidina isla markiiba sheegan mas’uuliyadda. Gobolka, si kastaba ha ahaatee, ayaa inta badan waxaa ka dhaca weeraro ay geystaan maleeshiyada Al-Shabaab
Kooxda argagixisada ah ee fadhigeedu yahay Soomaaliya ayaa weerarro ka fulisay gudaha Kenya si ay uga aargoosato taageerada ay ciidamada kenya ku taageerto dadaallada argagixisada ee Muqdisho. Kenya waxa ay taageere weyn u tahay dadaalka ballaaran ee caalamiga ah ee lagu xasilinayo Geeska Afrika.
Hawlgalka militariga ayaa la qorsheynayaa inuu soo dhamaado bisha December, kaasoo Soomaaliya ka dhigi doona mid inta badan mas’uul ka ah ammaankeeda.
