Sahan media Muqdisho: Shirkadda Diyaaradaha ee Kenya Airways (KQ) ayaa ku dhawaaqday inay joojisay dhammaan duullimaadyadii tooska ahaa ee ay ku tagi jirtay magaalada Muqdisho ee Soomaaliya, laga bilaabo Talaadada, Oktoobar 15, 2024.
Shirkadda diyaaradaha ayaa sheegtay Jimcihii in go’aanku uu qayb ka ahaa dib-u-habaynta ballaaran ee looga golleeyahay in lagu wanaajiyo waxtarka shirkadda, gaar ahaan marka uu soo dhawaado xilliga safaradu badan yihiin.
Sannadkii 2018-kii, Kenya Airways ayaa billowday duullimaadyada Muqdisho laakiin waxay joojisay duulimaadyadii ay ku samayn jirtay COVID-19 dartiis. Bishii Febraayo 2024, duulimaadyada ayaa dib loo bilaabay.
KQ ayaa sheegtay in joojinta waddada Muqdisho ay ka tarjumeyso isbeddelka istaraatiijiyadeed ee lagu hagaajinayo howlaheeda, hubinta adeegyada hufan. waxaa KQ kala soo xiriiri doonta qabanqaabada safarka beddelka ah, oo ay ku jiraan dib u ballan-qaadid, lacag celin, ama dib-u-habeyn.
Sida KQ ay dib u habaynayso shabakadeeda marineed, diyaaraddu waxay sidoo kale soo bandhigtay isbedelo dhowr ah oo ku saabsan meelaha kale ee muhiimka u ah sida:
Mauritius: Laga bilaabo Oktoobar 27, 2024, duullimaad toddobaadle ah oo dheeri ah ayaa lagu dari doonaa, iyadoo adeegyadu hadda shaqeeyaan Arbacada, Sabtida, iyo Axadda.
Comoros: Laga bilaabo Oktoobar 28, 2024, hal duulimaad oo dheeri ah ayaa la soo dari doonaa, iyadoo duullimaadyadu ay shaqeyn doonaan Isniinta, Khamiista, Jimcaha, iyo Sabtida.
Zanzibar: KQ waxay kordhinaysaa duullimaadyada habeenkii ee Zanzibar ilaa toddoba duulimaad oo toddobaadle ah oo bilaabmaya Oktoobar 28, 2024.
New York: Muddada Diisambar 5, 2024, ilaa Janaayo 4, 2025, waxaa jiri doona laba duullimaad oo dheeri ah oo Nairobi ilaa New York ah Khamiista. iyo Sabtiyada.
Kigali: Laga bilaabo Noofambar 1, 2024, duullimaad dheeri ah oo Kigali ah ayaa la bilaabi doonaa, taasoo ka dhigaysa wadarta duulimaadka toddobaadlaha ah 25
