Sahan Media Muqdisho: Khalalaase ayaa ka taagan Xiriirka Kubadda Cagta ee Jabuuti, ka dib markii koox ka kooban madaxda kooxaha ay gadaal ka riiraxayaan dano siyaasadeed u codeeyeen in xilka laga qaado madaxweyne Souleiman Hassan Waberi oo ah Gudoomiyaha Olombikada Djibouti, ahna xubin ka tirsan Guddiga Fulinta ee FIFA.
Sidee wax u dheceen?
Booliisku waxay markii ugu horreysay galeen xarunta Guddiga Ciyaaraha Djibouti fiidkii Axadda, Oktoobar 4, 2026, iyagoon haysan amar maxkamadeed ama dukumeenti maamul.
Isniintii, Oktoobar 5, 2026, ciidan booliis oo aad u badan ayaa ku amray Waberi, xubnaha guddiga fulinta, iyo shaqaalaha inay banaanka uga baxaan dhismaha.
Shir Guud ee Aan Caadiga ahayn ayaa la isugu yeeray naadiyada oo dhan Iyadoo ay boolisku ilaalinayaan, ergooyinka iyo madaxweynayaasha naadiyada waxay galeen xarunta dhexe waxayna qabteen shir qarsoodi ah oo xilka looga qaaday gudoomiye Waberi iyo guddigiisa fulinta.
Gudoomiyaha Olombikada Djibouti Suleymaan Xasan Waabari ayaa diiday kulanka isagoo ku tilmaamay “mid aan waxba ka jirin,” kuna doodaya in aan la raacin, habraacyada sharciga ah ee u yaalla Olombikada Djibouti.
