Sahan media Muqdisho: Ciidamada Midowga Afrika ee Ku Meel Gaarka ah ee Soomaaliya (ATMIS) ayaa ku wareejiyay Saldhigga hore ee Howlgalinta Cabdalla Biroolle (FOB) ee Ciidanka Xoogga Dalka Soomaaliyeed (SNAF). Saldhigan Milatari, ayaa waxaa horey u hoos socday mas’uuliyadda ATMIS Ciidamada Difaaca Kenya (KDF), waana tii afaraad ee lagu wareejiyo qeyb ka mid ah Wajiga Saddexaad ee dhimista.
Ku xigeenka Ergeyga Gaarka ah ee Midowga Afrika u qaabilsan Soomaaliya (DSRCC), Siyuvile Bam, ayaa guddoomiyey wareejinta saldhigga. Taliyaha Qaybta Labaad ee ATMIS Brig. Seif Saalim Rashiid ayaa ku wareejiyay maamulka
Wakiilka XDS Gaashaanle Muxudiin Axmed. Munaasabadan oo ahayd mid heersare ah ayaa waxaa goob joog ka ahaa wakiilo ka socday Qaramada Midoobay (UN) iyo mas’uuliyiin ka tirsan maamulka Jubbaland.
“Soomaaliya mar waxay gabaad siisay halgamayaashii xorriyadda ee ka yimid dalal kale oo Afrikaan ah intii ay ku jireen halgankii xorriyadda. Waa waajib na saaran inaan ka jawaabno taageerada iyo naf-hurnimada ay dadka Soomaaliyeed u hureen xorriyadda dalalkeenna,” ayuu yiri Mr. Bam.
Wuxuu intaas ku daray, “Inkasta oo aan wareejineyno mas’uuliyadda amniga, Midowga Afrika kama tagi doono Soomaaliya, wuxuuna sii wadi doonaa taageeridda hannaanka nabadda iyo amniga ee ay Soomaalidu hormuudka ka tahay.”
Taliyaha Qaybta Labaad ee ATMIS Brig. Rashiid ayaa bogaadiyay wadashaqeynta wax ku oolka ah ee ka dhaxeysa ciidamada ATMIS ee KDF iyo ciidamada ammaanka Soomaaliya, taasoo keentay in guulo laga gaaro howlgallada ka dhanka ah Al-Shabaab ee ka socda dowlad goboleedka Jubbaland. Wuxuu ku booriyay kuwa imaanaya
Ciidamada XDS si ay u ilaashadaan guulaha laga gaaray dhanka amniga, islamarkaana ay sii ambaqaadaan guulaha ay gaareen ciidamada ATMIS-ka. “Howlgal ahaan, waxaan ka gaarnay guulo la taaban karo, kuwaasoo saameyn weyn ku yeeshay xaaladda ammaan ee Kismaayo. FOB-kan waxa uu u adeegaa sidii aag ka caagan garoonka diyaaradaha ee Kismaayo sidaas darteed asxaabteena la wareegaysa, waxaan kuu rajeyneynaa wanaag. Waxaan diyaar u ahaan doonaa wada tashi iyo taageero haddii loo baahdo,” ayuu yiri Sareeye Guuto Rashiid.
Taliyaha Ciidanka Xoogga Dalka Soomaaliyeed (SNAF), Major Muxudiin, ayaa uga mahadceliyay ATMIS KDF naf-hurnimada ay u hureen sugidda ammaanka Soomaaliya.Ciidanka Difaaca Kenya ayaa waqti badan u huray sidii ay ugu dagaallami lahaayeen xoreynta iyo amniga Soomaaliya, iyagoo gacan ka geystay geeddi-socodka nabadda. Ma jiro qof naftiisa halis gelinaya ilaa sababta dhabta ah aysan ahayn mid muhiim ah, ayuu yiri Gaashaanle Muxudiin
Taliyaha cusub ee ciidanka SNAF FOB, Col. Maxamed Xasan Gaboobe, ayaa yiri “Markaan la wareegeyno mas’uuliyadda amniga ee saldhiggan, waxaan ku kalsoonnahay awoodda aan u leenahay in aan sugno nabadda iyo amniga deegaanka aan mas’uulka ka nahay.”
