Sahan media Muqdisho: Bangiga Adduunka ayaa Mr. Qimiao Fan u magacaabay agaasimaha cusub ee Kenya, Rwanda, Somalia, iyo Uganda, laga bilaabo Sebtembar 1, 2024. Mr. Fan, oo leh in ka badan 35 sano oo waayo-aragnimo horumarineed ah, ayaa kormeeri doona naqshadeynta iyo hirgelinta barnaamijka taageerada Baanka Adduunka ee afarta waddan ee leh faylalka firfircoon ee ka kooban 102 mashruuc oo dhan $17.2 bilyan.
Khabiirkan u dhashay dalka Shiinaha ayaa ku biiray Bangiga Adduunka 1991-kii, waxaana uu xilal hoggaamineed ka soo qabtay dalal iyo gobollo kala duwan oo caalamka ah. Kahor inta uusan shaqadaan qaban, waxa uu ka soo shaqeeyay Dalka Cambodia, Belarus, Moldova, iyo Ukraine, Bangladesh, Bhutan, iyo Nepal sidoo kale wuxuu soo qabtay Agaasimaha Istaraatiijiyadda iyo Hawlgallada ee Kobaca siman, Maaliyadda, iyo Hay’adaha Madaxweyne ku-xigeenka; Agaasimaha Istaraatiijiyadda iyo Hawlgallada ee Xafiiska Agaasimaha Maamulka ee Siyaasadda Horumarinta iyo Iskaashiga; iyo intii u dambaysay, isagoo ah Agaasimaha Istaraatiijiyada iyo Hindisaha Shirkadaha.
Kahor inta uusan ku biirin Bangiga Adduunka, Mr Fan waxa uu ahaa cilmi-baare xagga horumarinta iyo dhaqaalaha kala-guurka ah ee Iskuulka Dhaqaalaha ee London ee UK iyo cilmi-baare siyaasadeed oo ka tirsan Machadka Maaliyadda iyo Dhaqaalaha ee Jiangxi ee Shiinaha. Waxa kale oo uu fasax ka qaatay Baanka Adduunka oo uu ka soo shaqeeyay maamul sare oo uu ka mid yahay agaasime guud iyo guddoomiye ku xigeenka guddiga qaybta ganacsiga gaarka loo leeyahay ee Shiinaha muddo sanado ah. Mr. Fan waxa uu shahaadada PhD-da ee dhaqaalaha ka qaatay Jaamacadda Birmingham ee dalka Ingiriiska. Waxa uu daabacay mawduucyo la xidhiidha cimilada maalgashiga, horumarinta ganacsiga gaarka ah, maaliyadda, iyo dhaqaalaha kala-guurka.
