sahan media Muqdisho: Mareykanka ayaa burburiyay diyaaradaha aan duuliyaha lahayn oo ay bilaabeen kooxda Xuutiyiinta Yemen, sida uu sheegay taliska dhexe ee Mareykanka (CENTCOM) Khamiistii. Inta u dhaxaysa 6:00 iyo 10:56 p.m .
Dr-kan waxa ay ku wajahnaayeen markab Isbahaysi ah iyo markab dagaal oo Maraykan ah, maraakiibtan waxaanay ku hawlanaayeen isdifaac dhanka badda cas,” CENTCOM ayaa sidaa ku sheegtay X, iyada oo intaa ku dartay in aanay jirin wax dhaawac ah ama khasaare ah oo soo gaadhay Maraykanka iyo maraakiibta isbahaysiga.
CENTCOM waxa ay sheegtay in ay go’aamisay in hubkaasi uu “halis ku soo fool leeyahay” maraakiibta ciidamada badda ee Maraykanka iyo maraakiibta ganacsiga ee gobolka.
“Tallaabooyinkan waxaa loo qaaday si loo ilaaliyo xorriyadda socodka iyo in biyaha caalamiga ah laga dhigo kuwo ammaan ah oo ammaan u ah ciidamada badda ee Maraykanka iyo maraakiibta ganacsiga,” ayay raacisay.
Kooxda Xuutiyiinta Yemen ayaa bartilmaameed ka dhiganaysa maraakiibta xamuulka qaada ee maraya badda cas oo ay leeyihiin ama ay maamulaan shirkado Israa’iili ah ama alaabaha u daabula kana soo qaada Israa’iil iyagoo is garabsanaya marinka Qaza oo ay Israa’iil duqayn ku hayso tan iyo 7-dii Oct. Badda Cas waa mid ka mid ah marinnada badda ee inta badan loo isticmaalo shixnadaha shidaalka.
Xoghayaha Difaaca Mareykanka Lloyd Austin ayaa dhawaan ku dhawaaqay sameynta howlgalka ilaalinta barwaaqada, howlgal caalami ah oo lagula dagaalamayo weerarada Xuutiyiinta.
