Sahan Media Muqdisho: Kulan ayaa la qabtay oo dhexmaray xubnaha bulshada iyo mas’uuliyiinta Degmada Ramsey si looga wada hadlo rabshadaha kooxaha burcadda Soomaalida.
Inta lagu guda jiray barnaamijka ‘Tooska ah ee Patrol’ usbuucii hore, Sheriff-ka Degmada Ramsey Bob Fletcher ayaa ka hadlay rabshadihii dhammaadka toddobaadkii Afarta Luulyo, isagoo sheegay in qaar ka mid ah bulshadu ay dafireen dhibaato sii kordheysa, iyo inuu dareemayo in rabshadaha kooxaha burcadda Soomaalida ay tahay arrin u baahan xalal degdeg ah.
Talaadadii, xubnaha iskaashiga Soomaalida iyo Mareykanka ayaa sheegay in faallooyinka dadweynaha ee Fletcher ay khatar ku yihiin dhallinyaradooda Somaliyeed, gaar ahaan jawiga siyaasadeed ee kulul.
Kooxdu waxay shir jaraa’id ku sheegtay inay isku raacsan yihiin in rabshadaha la iska ilaaliyo, laakiin waxay sheegeen in hadallada dadweynaha aysan waxba tarayn. Taa beddelkeeda, waxay ku martiqaadeen shariifka inuu kala shaqeeyo xalka bulshada Soomaaliyeed.
“Farriintayda maanta ku socota sarkaal-booliiska (sheriff-ka) iyo bulshadaba waa inaan yareynno hadallada dhaleeceynta iyo kuwa dadka lagu kala soocayo. Taasi cidna wax uma tarayso. Xalkana ma fududeynayso. Gobolkana ammaan kama dhigayso. Waalidka iyo carruurta Soomaaliyeedna kama caawinayso… inay qaadaan waddo ka duwan tan hadda,” ayuu yiri Cali Gaashaan oo ka mid ah xubnaha bulshada.
Fletcher ayaa soo saaray bayaan uu ku casuumay dadweynaha shir bulsho oo ku saabsan arrintan oo ka dhacaysa Degmada Ramsey ee Arden Hills.
