Sahan media Muqdisho: EGYPT ayaa ku yaboohday in ay ciidamo nabad ilaalin ah geyneyso Soomaaliya, xilli uu sii dhamaanayo waajibaadka ciidamada Midowga Afrika.
Madaxweynaha Masar Abdel Fattah el-Sissi ayaa Khamiistii ka qeyb galay shir madaxeed ka dhacay caasimadda Eritrea ee Asmara, kaasoo isaga iyo madaxda Soomaaliya iyo Ereteriya ay ku ballan qaadeen iskaashi xooggan oo ku saabsan amniga gobolka.
Mas’uuliyiinta Soomaaliya ayaa bayaan ay soo saareen ku sheegay gabagabada shir-madaxeedka inay soo dhaweynayaan yabooha Masar ee ah in ciidammo la geeyo dalkooda si ay qayb uga noqdaan ciidamada xasilinta marka ciidamada Midowga Afrika ee hadda jooga la kala diro bisha December.
Sida war-murtiyeedka lagu sheegay, madaxdu waxay soo dhaweeyeen go’aanka golaha ammaanka iyo nabad-gelyada Midowga Afrika ee lagu bilaabay hawlgalka Midowga Afrika ee taageerada xasilinta Soomaaliya (Aussom), kaas oo loo xilsaaray Masaarida ama kuwa kale.
War-murtiyeed gaar ah oo laga soo saaray shir-madaxeedka kaddib oo ay saxiixeen wakiillada Soomaaliya, Masar iyo Ereteriya ayaa lagu caddeeyay in Soomaaliya ay xaq u leedahay in ay go’aamiso qaabka, hawlaha iyo waqtiga loo dirayo ciidammada Aussom.
