Sahan media Muqdisho: Soomaaliya ayaa maanta oo isniin ah magaalada Muqdisho ku qabatay shir muhiim ah oo looga hadlayay Amniga iyo Cimilada, kaasi oo diiradda lagu saaray isgoysyada xasaasiga ah ee isbeddelka cimilada iyo amniga qaranka.
Munaasabadan oo uu daah furay ra’iisul wasaare ku xigeenka Saalax Jaamac ayaa waxaa soo qaban qaabiyay xafiiska la taliyaha amniga qaranka, iyadoo ay ka soo qeyb galeen mas’uuliyiin sar sare oo ka tirsan dowladda iyo wakiillo ka socday saaxiibada caalamka sida QM iyo Midowga Afrika.
Shirka ayaa ujeedadiisu tahay in laamaha amniga Soomaaliya loogu diyaariyo caqabadaha ka dhalan kara isbedelka cimilada.
“Shirka maanta waa mid aad muhiim u ah sababtoo ah wuxuu isu keenaa dadka ka socda dhinaca cimilada si ay ugala hadlaan jilayaasha amniga iyo kuw lidka ku ah,” ayuu yiri Christophe Hodder, lataliyaha amniga cimilada iyo deegaanka ee Qaramada Midoobay ee Soomaaliya.
Waxa uu carrabka ku adkeeyay baahida loo qabo dadaallo isku xiran oo wax looga qabanayo caqabadaha mustaqbalka ee isbeddelka cimilada iyo amni-darrada.
Soomaaliya waxay wajahday caqabado ba’an oo la xiriira cimilada, oo ay ku jiraan abaartii ugu xumayd ee soo marta tobannaan sano ee 2023, oo ay ku xigto fatahaado ballaaran—oo ah kii ugu muhiimsanaa ee soo mara jiilalka.
Xogta Khatarta Cimilada ee ay soo saartay la-talinta Khatarta Cimilada ayaa tilmaamaysa in heerkulka Soomaaliya uu kor u qaadi karo 1.4 ilaa 1.9 °C marka la gaaro 2030 marka loo eego heerarkii waqtiyadii ka horreeyay.
Marka laga soo tago caqabadaha cimilada, Soomaaliya waxay sii waddaa dagaalka ay kula jirto xasillooni darrada ka dhalatay weerarrada kooxda argagixisada ah ee xiriirka la leh al-Qaacida ee al-Shabaab, oo tan iyo 2007-dii dagaal kula jirtay dowladda Soomaaliya iyo ciidamada nabad ilaalinta Midowga Afrika.
