Sahan media Muqdisho: Turkiga ayaa rajaynaya in sanadka 2025-ka uu ka fuliyo howlgal shidaal qodis ah oo laga qodayo badda Soomaaliya,sida uu sheegay wasiirka tamarta ee dalkaasi Jimcihii wax yar ka dib markii ay labada dowladood ku heshiiyeen in ay kordhiyaan iskaashigooda iyagoo kala saxiixday heshiis iskaashi oo dhanka shidaalka iyo gaaska dabiiciga ah bishii hore.
“Waxaa jirta meel ku taal badda Soomaaliya oo aan u aragno inay ku jirto kayd shidaal, waxaan billaabi doonnaa shaqada seismic-ka, waxaan rabnaa inaan sameyno qodista badda qoto dheer sannadka 2025,” ayuu yiri wasiirka tamarta iyo kheyraadka dabiiciga ah Alparslan Bayraktar oo wareysi siinayay telefishinka gaarka ah ee NTV.
Turkiga iyo Soomaaliya ayaa horraantii bishii Maarso kala saxiixday heshiis ku saabsan iskaashiga shidaalka iyo gaaska dabiiciga ah ee xeebaha, kaasoo sii xoojinaya xiriirka ka dib markii ay ku heshiiyeen heshiis difaac ah sanadkan.
“Heshiiskaan, waxaan fulineynaa howlo wadajir ah oo loogu gaarsiinayo shacabka Soomaaliyeed si kheyraadka Soomaaliya loo gaarsiiyo, waxaan rabnaa in aan xoojinno joogitaanka Turkiga ee Geeska Afrika oo iskaashi cusub oo dhanka tamarta ah” ayuu yiri Bayraktar oo xilligaasi ka hadlayay arrimaha bulshada. warbaahinta X, oo hore loo yiqiin Twitter.
“Sahaminta Shidaalka iyo Gaaska Dabiiciga ah ee laga baarayo xeebaha Soomaaliya, oo hadda u muuqda mid u eg Shidaal, ayaa dhawaan ka billaaban doona goobihii aan aqoonsannay, waxaa laga yaabaa in wejiga koowaad aan u dirno markabkayaga seismic (sahaminta) halkaas,” ayuu si guud u yiri iyadoon tafaasiil bixin.
Heshiiska waxaa ka mid ah gaadiidka, qeybinta, sifeynta, iibinta iyo howlaha adeegyada shidaalka iyo badeecadaha kale ee laga helo mashaariicda dhulka iyo badda.
Bishii Febraayo, Turkiga wuxuu Soomaaliya la saxiixday heshiis iskaashi oo dhanka difaaca iyo dhaqaalaha ah, wuxuuna bixin doonaa taageero dhanka amniga badda ah si uu Soomaaliya uga caawiyo difaacidda baddeeda.
Turkiga oo saaxiib dhow la ah dalka Soomaaliaya ayaa maalgeliyay waxbarashadiisa, kaabayaasha dhaqaalaha iyo caafimaadka, waxaana uu siiyay kaalmo bini’aadantinimo oo ballaaran.
