Sahan media Muqdisho: Wasiirka gaashaandhigga Uganda, Vincent B. Ssempijja, ayaa booqasho ku tagay magaalada Muqdisho wuxuuna halkaas kulan kula yeeshay dhigiisa Soomaaliya.
Sida uu qoraal uu soo dhigay bartiisa facebook ku sheegay Wasiirka gaashandhiga ee Soomaaliya Cabdiqaadir Maxamed Nuur, labada dhinac ayaa ka wada hadlay xoojinta xirirka labada dowladood ee arrimaha difaaca.
Labada wasiir difaac ee Soomaaaliya iyo Uganda ayaa qalinka ku duugay saxiixa dhameestirka Is af garad ee heshiisyo hore oo difaac iyo iskaashi Milatari oo u dhaxeeyey labada dal.
Dalka Uganda ayaa ka mid tahay dalalka ciidamadu ka joogaan Soomaaliya kuwaas oo ka mid ah howlgalka ATMIS.
