Sahan Media Muqdisho: Xuutiyiinta Yemen ayaa si wadajir ah u sii daayay 153 maxbuus dagaal ah oo ay gacanta ku hayeen guddiga caalamiga ah ee Laanqeyrta Cas (ICRC), sida ay xaqiijiyeen hay’adaha aan dowliga ahayn iyo jabhadda.
“Maxaabiista colaadaha la xiriirta” ayaa lag sii daayay xabsiga magaalada caasimadda ah ee Sanca Sabtidii, waxaana ay booqasho joogto ah ku imaan jirtay ICRC-da taasoo qayb ka ah shaqada xabsiyada si loo hubiyo in si bini’aadannimo ah loola dhaqmo maxaabiista dagaalka la leh, sida ay hay’addu sheegtay.
Lama shaacin aqoonsiga maxaabiista.
“Howlgalkan waxa uu keenay gurmad iyo farxad ay aad ugu baahnaayeen qoysaskii si walaac leh u sugayay soo laabashada eheladooda. Waxaan ognahay in qoysas kale oo badan ay sidoo kale sugayaan fursada ay ku midoobaan. Waxaan rajeyneynaa in siideynta maanta ay horseedi doonto waqtiyo badan oo sidan oo kale ah” ayay tiri Christine Cipolla, madaxa wafdiga ICRC ee Yemen.
Abdul Qader al-Murtada, oo ah madaxa guddiga arrimaha maxaabiista ee Xuutiyiinta, ayaa ku sheegay bayaan ay soo saartay warbaahinta xiriirka la leh Xuuthiyiinta in dadka la sii daayay ay yihiin “xaalad bini’aadantinimo” oo ay ku jiraan bukaan, dhaawac iyo waayeel.
Hadafka hindisaha waa in la dhiso kalsooni iyo in la sameeyo waji cusub oo dhab ah oo daacad ah,” al-Murtada ayaa la soo xigtay.
ICRC-da ayaa soo dhaweysay tallaabadan oo ah “tallaabo kale oo wanaagsan oo loo qaaday dhanka dib u soo nooleynta wada xaajoodyada” iyadoo la raacayo qaab-dhismeedkii lagu heshiiyey intii lagu jiray dagaalladii sokeeye ee dalka, kaas oo sannado badan u dhexeeyay Xuutiyiinta iyo isbahaysiga uu Sucuudigu hoggaamiyo.
Dagaalku waxa ku dhintay in ka badan 150,000 oo qof waxana uu abuuray mid ka mid ah masiibooyinka bini’aadantinimo ee ugu xun adduunka oo wali socda, iyadoo in ka badan 18 milyan oo qof oo ku nool Yemen oo dhan ay u baahan yihiin gargaar.
Siideyntan Sabtidii ayaa ku soo beegantay iyadoo Xuutiyiintu ay sii wadaan inay sii hayaan shaqaalaha la shaqeeya Qaramada Midoobay.
Toddoba ka mid ah shaqaalaha Qaramada Midoobay ayaa la xidhay Jimcihii, sida ay hay’addu sheegtay, waxayna ku baaqday in si degdeg ah loo sii daayo.
Qaramada Midoobay ayaa sidoo kale hakisay dhammaan socdaalkii ay ku tagi jirtay goobaha ay Xuuthiyiintu gacanta ku hayaan kadib markii la xiray ilaa amar dambe.
11 kale oo ka tirsan shaqaalaha Qaramada Midoobay ayaa la xiray bishii June ee la soo dhaafay, iyadoo ay xigtay la wareegitaanka Xafiiska Xuquuqda Aadanaha ee caasimadda Yemen bishii Agoosto.
Laanqayrta cas ayaa hore uga caawisay sii daynta maxaabiista, oo ay ku jirto mid lagu arkay ilaa 1,000 maxbuus oo la kala beddeshay 2020. Mid kale oo is dhaafsi ah ayaa arkay ilaa 800 maxbuus oo la sii daayay 2023, iyadoo in ka badan 100 la sii daayay bishii May ee la soo dhaafay.
