Sahan Media Muqdisho: Mareykanka ayaa ku hanjabay inuu kala noqon doono fiisaha xubnaha wafdiga Falastiiniyiinta ee Qaramada Midoobay haddii uusan safiirka Falastiin Riyad Mansour ka laaban musharaxnimadiisa madaxweyne ku xigeenka Golaha Guud ee Qaramada Midoobay, sida lagu sheegay warbixin Arbacadii.
Dublamaasiyiinta Maraykanka ee jooga Quddus la faray inay ku cadaadiyaan mas’uuliyiinta Falastiin inay ka laabtaan dalabka Mansour ee mid ka mid ah jagooyinka madaxweyne ku-xigeenka ee 21 ee Golaha Guud ee Qaramada Midoobay ama ay la kulmaan cawaaqibka suurtagalka ah ee kala noqoshada fiisaha ay ku joogaan maraykanka.
Sida laga soo xigtay warbixintu waxay sheegay in musharaxnimada Riyad Mansour “hurinayso xiisad” waxayna wiiqaysaa qorshaha “nabada” ee Madaxweynaha Maraykanka Donald Trump ee Gaza.
Cagajuglaynta Mansour ma wanaajin doono nolosha Falastiiniyiinta waxayna si weyn u dhaawacaysaa xiriirka Maraykanka ee Maamulka Falastiin.
Afhayeen u hadlay Wasaaradda Arrimaha Dibadda ee Maraykanka ayaa diiday inuu ka hadlo warbixinta “Waxaan si dhab ah u qaadaneynaa waajibaadka naga saaran Heshiiska Xarunta Qaramada Midoobay,” ayuu yiri afhayeenku.
Sannadkii hore, maamulka Trump ayaa mas’uuliyiinta Falastiiniyiinta kala noqday dal-ku-galka, isagoo u diiday inay ka qaybgalaan shirka golaha loo dhan yahay ee Qaramada Midoobay oo bishan September ka dhacaya magaalada New York.
Tallaabadan ayaa jawaab u ah dhowr waddan oo reer galbeed ah oo isu diyaarinayay inay golaha guud ee Qaramada Midoobay uga dhawaaqaan inay aqoonsan yihiin dowladda Falastiin.
