Sahan Media Muqdisho: Wasiirka caafimaadka Kenya ayaa sheegay Talaadadii in uu amray in si degdeg ah loo joojiyo dhismaha xarun karantiil Ebola ah oo uu Maraykanku taageerayo oo laga dhisayo Kenya ka dib markii lagu helay dambiga ah in uu quudhsaday maxkamadda oo uu ku guul daraystay in uu dhawro amarrada joojinta.
Wasiirka caafimaadka Aden Duale ayaa ka soo hormuuqday maxkamad ku taal Kenya oo xannibtay dhismaha xaruntan oo u dhow magaalada Nanyuki ee bartamaha dalka, kaasoo ay ka dhaceen dibadbaxyo lagu hoobtay oo ka dhashay qorshaha.
Xaruntan ayaa loogu talagalay inay martigeliso dadka Maraykanka ah ee uu ku dhacay Ebola inta lagu guda jiro cudur ka dillaacay Jamhuuriyadda Dimuqraadiga ah ee Congo, kaas oo la diiwaangeliyay in ka badan 1,000 xaaladood.
Sawirrada Satellite-ka ee Juun 22 oo ay dib u eegis ku sameysay Reuters ayaa muujinaya dhismayaal teendho ah oo koror ku yimid tiradooda iyo horumarka laga sameeyay dhismaha oo ay ku jiraan qaab-dhismeedyo u muuqday weel, marka la barbar dhigo sawirro dib loo eegay horaantii bishaan.
Xukunkeeda, garsoore Patricia Nyaundi Mande ayaa uga digtay Ducaale caasinimo dheeraad ah micnaha in uusan dhagaysan goaanka maxkamadda, waxayna sii daysay iyada oo aan wax ciqaab ahmarin Wasiir Ducaale.
Duulimaadyada sida qalabka caafimaadka iyo shaqaalaha takhasuska leh ayaa sii waday inay yimaadaan xaruntan, inkasta oo ay maxkamaddu amartay, shaqada ayaa wali socotay marka loo eego xogta la socodka duulimaadka iyo ilaha Mareykanka iyo diblomaasiyadda.
