Sahan Media Muqdisho: Diyaarad nooceedu yahay B-52 ayaa burburtay wax yar uun ka dib markii ay ka kacday saldhig ciidamada cirka ee Maraykanka ku leeyihiin deegaanka Mojave ee koonfurta California, kadib burburkaas waxaa ka dhashay dab burburiyay diyaaradda, waxaa ku dhintay dhammaan siddeedii qof ee saarnaa diyaaradda, sida ay sheegeen saraakiisha milatariga.
Muuqaalada hawada sare ayaa muujiyay in aanay waxba ka harin diyaaraddii dhacday abaarihii 11:20 subaxnimo intii lagu jiray hawlgal tijaabo ah oo caadi ah oo ka socday Saldhigga Ciidanka Cirka ee Edwards, oo ku yaalla waqooyiga Los Angeles. Qiiq madoow ayaa ka kacay saxare aad u badan ayaa gubtay oo u dhow dhabaha diyaaraduhu ka duulaan ee saldhiga, waxaana ka agdhawaa baabuurta gurmadka.
Kuwa saarnaa B-52 waxaa ku jiray qandaraasleyaal dowladeed iyo ciidan lebisan. Shirkadda samaysa diyaaradaha Boeing ayaa xaqiijisay fiidnimadii Isniinta in laba ka mid ah shaqaalaheeda ay diyaaradda saarnaayeen.
Kadib markii aan dib u eegis ku sameeyay muuqaalada shilkaas, waxaa la go’aamiyay in aysan jirin cid ka badbaaday, Col. James Hayes, oo ah taliye ku xigeenka 412-ka tijaabada ee Edwards, ayaa shir jaraa’id ku sheegay.
Waxa aanu waynay sideed qof oo Maraykan ah,” ayuu yidhi Hayes, isaga oo intaa ku daray in saraakiishu ay ka shaqaynayeen sidii ay qoysaskooda u ogeysiin lahaayeen.
Ilaa hadda si rasmi ah looma sheegin waxa sababay shilkan, waxayna qaadan kartaa ilaa lix bilood in la dhamaystiro baaritaanka, Hayes ayaa yiri, laakiin waxa uu sheegay in B-52 lagu qalabaynayay “barnaamijka casriyaynta radarada cusub.”
Boeing B-52 Stratofortress waa xambaare bambaanooyinka meelaha fog-fog wax ka dila, waxay shaqo bilowday 1955.
Sannadkii 2025, Boeing waxay u dirtay B-52 Edwards nidaam wata radar cusub oo la casriyeeyay. Koox tijaabo ah ayaa qorshaynaysay in ay sameeyaan hawlaha tijaabada dhulka iyo duulimaadka ee diyaaradda inta lagu jiro 2026.
