Sahan media Muqdisho: Diyaarad ay leedahay shirkadda Air India oo ku sii jeeday magaalada Delhi ayaa waxay isku dhaceen gaari jiid jiid ah (gawaarida hagta diyaaradaha) xilli ay ku sii jeeday dhabaha ay diyaaraduhu ka duulaan ee Pune Airport Khamiistii. Shilka ayaa dhacay markii ku dhawaad 180 rakaab ah ay saarnaayeen.
“Diyaaradda oo siday ku dhawaad 180 rakaab ah, ayaa waxaa soo gaaray burbur kooban iyo taayirka, inkastoo uu shilkaasi dhacay dhammaan rakaabkii iyo shaqaalihii diyaaradda ayaa lagu soo waramayaa inay bad qabaan,” ayuu sarkaal ka tirsan garoonka u sheegay heyadaha warbaahinta.
Hab-maamuusyada xaaladaha degdegga ah ayaa si dhaqso ah loo sameeyay, iyadoo la hubinayo badbaadada qof kasta oo saaran diyaaradda.
Saraakiisha garoonka diyaaradaha ayaa xaqiijiyay dhacdada waxayna sheegeen in “rakaabkii la dejiyay, waxaana la diyaariyay duulimaad kale oo Delhi.”
Hay’adda Duulista Hawada ee DGCA ayaa bilowday baaritaan lagu ogaanayo sababta keentay isku dhaca diyaarada. Warar horudhac ah oo soo baxaya ayaa sheegaya in Gaariga Tug-ga loo yaqaano ee loo isticmaalo in lagu hagayo Diyaarada uu ku dhacay Diyaarada xili ay ku guda jirtay Taksiga. Baaritaanka DGCA waxa uu diiradda saari doonaa hab-maamuuska hawlgalka iyo habacsanaanta suurtagalka ah ee keentay dhacdada.
Howlihii garoonka ayaa halkoodii kasii socday iyadoo aysan jirin wax hakad ah oo la taaban karo.
