Sahan Media Muqdisho: Trump maxaa daba dhigay Somalia iyo Xildhibaan Ilhaan Cumar?
Ilhaan ayaa wajaheysay maalmahan baaritaan xoogan oo ku saabsan dhaqaalaheeda ka dib markii ay si weyn u dib u eegis ugu sameysay shaacinta congress-ka oo mar u muuqatay in ay muujineyso inay haysatay hanti badan.
Xisbiga Dimuqraadiga ee Minnesota ayaa ku adkeysanaya inaysan ahayn milyaneer bada waxayna ku eedeeyeen farqiga u dhexeeya dhinaca khaladaadka xisaabiyayaasha, iyadoo madaxweyne Donald Trump uu ku riixayo in la sameeyo baaritaan dhinaca musuqmaasuqa ah.
Ilhaan, oo muddo dheer bartilmaameed u ahayd Trump iyo dadka dhaliila xisbiga Jamhuuriga, ayaa hore u gudbisay warbixin muujinaysa in iyada iyo ninkeeda ay haystaan hanti lagu qiimeeyay inta u dhaxaysa 6 milyan iyo 30 milyan oo doolar.
Laakin fayl gareynta wax laga beddelay xisaabxirka ayuu dib u eegay wargayska The Wall Street Journal taasoo bixinaysay sawir aad u kala duwan. Ilhaan xafiiskeeda ayaa hadda sheegaya in xisaabtii hore ay khaldanayd.
“Daahfurka wax laga beddelay wuxuu xaqiijinayaa wixii aan sheegnay oo ah Haweeneyda Congress-ka ma ahan milyaneer,” ayay tiri Jacklyn Rogers, oo ah afhayeenka Cumar.
Soo xeraynta dakhligii hore waxa ay qiimo weyn ku lahayd danaha ganacsi ee ku xiraan sayga Cumar, Tim Mynett, lataliye hore oo siyaasadeed oo ku lug lahaa hawlo ay ka mid yihiin shirkad maareyn oo fadhigeedu yahay Washington iyo warshad ku taal Santa Rosa, California.
Shaacinta la beddelay, isla ganacsiyadaas ayaa hadda lagu sheegay inaysan wax qiimo ah lahayn marka deymaha jiray la tixgeliyo.
Kooxda Ilhaan Cumar ayaa farqiga u sababeeyay ku tiirsanaanta xirfadlayaasha maaliyadeed.
Qareen u doodaya haweenayda Congress-ka ka tirsan ayaa u sheegay Xafiiska Anshaxa Koongareeska in xeraynta khaldan ay ahayd mid aan ula kac ahayn oo ay ka dhalatay xisaabiyeyaasha.
“Maadaama ay yihiin kuwa ugu mashquulka badan dadka, waa wax caadi ah in xubnaha iyo xaasaskooda ay ku tiirsanaadaan xirfadlayaasha sida xisaabiyeyaasha si ay u sameeyaan xisaabinta iyo go’aannada ka soo muuqda fayl-garaynta dadweynaha.”
