Sahan media Muqdisho: Kenya Airways (KQ) ayaa ka hadashay weecinta duulimaadyada ee laga soo tabiyay Muqdisho tan iyo 24-kii Maajo iyadoo u sababeysay walaac dhanka ammaanka ah.
Bayaan ay soo saartay Talaadadii, Juun 4, KQ waxay ku sheegtay in dib loogu celinayo Nairobi ay sabab u tahay “dabaylaha oo ka xoog badan sidii caadiga ahayd”.
Waxa ay sheegtay in xaaladdu ay ka dhigtay mid “aan suurtagal ahayn in si ammaan ah loo dejiyo diyaaradda”.
KQ waxay sheegtay inaysan duullimaadyo labaad ku imaan karin garoonka diyaaradaha Aadan Cadde ee Muqdisho sababo la xiriira dhanka ammaanka maadaama duuliyayaasheeda ay u baahan yihiin inay magaalada dulmariyaan.
“Shaqaalahayagu ma aysan dooran in ay isticmaalaan dariiqa kale ee ay ku ordaan dhabaha ay ku duulaan magaalada ilaa maamulka garoonka diyaaradaha ee Muqdisho ay yareeyaan walaaca amniga,” ayay tiri shirkaddu.
Si kastaba ha ahaatee, Kenya Airways waxay sheegtay in mas’uuliyiinta Muqdisho ay wax ka qabteen walaaca ay qabaan “waxaana awood u yeelan doonnaa inaan si nabad ah ku dejino diyaaradda”.
KQ ma aysan faah faahin inta duulimaad ee ay leexsatay iyo sababta keentay in diyaaradda ay ku sii socoto magaalada Muqdisho iyadoo walaaca jira.
Dib u eegis lagu sameeyay xogta imaanshiyaha Aadan Cadde ayaa muujisay in shirkado kale ay si aan kala go’ lahayn u shaqeynayeen.
