Sahan Media Muqdisho: H.E. Ibraahim Cumar Sheegow, oo 7-dii April warqadihiisa aqoonsiga u gudbiyay Madaxweyne Sergio Mattarella, ayaa u sheegay in Soomaaliya ay ku xisaabtamayso in Talyaanigu uu kaalin mug leh ka qaato xasilinta iyo horumarka.
“Ra’iisul Wasaare Meloni waxa ay Soomaaliya siisay muhiimad weyn Qorsheheeda Mattei, kaas oo aan ku xisaabtameyno,” ayuu yiri.
Talyaaniga iyo Soomaaliya waxay wadaagaan xiriir qotodheer oo taariikhi ah iyo dhaqan, oo ay ku jiraan xiriiro luqadeed iyo mid waxbarasho oo laga soo bilaabo waagii gumeysiga.
Safiir Shegow wuxuu sheegay in isku xirkan ay Talyaaniga uga dhigayso saaxiib dabiici ah oo mustaqbalka Soomaaliya ah, gaar ahaan dhinacyada muhiimka ah sida dhaqaalaha buluugga ah, beeraha, iyo tababarka dhalinyarada.
Safiirka ayaa carrabka ku adkeeyay muhiimadda ay leedahay khibradda Talyaaniga ee warshadaha badda iyo sugnaanta cuntada.
