Sahan media amuqdisho: Hogaamiyayaasha Afrika ayaa todobaadkan ku kulmaya dalka Shiinaha kulan la filayo inuu heerkiisu sarreeyo oo ay la yeeshaan Madaxweyne Xi Jinping, iyadoo Beijing ay weli sii wado saaxiibtinimada iyo ballaarinta saamaynta ay ku leedahay qaaradda xilli ay iska aamusan yihiin dalalka reer galbeedka.
Shir madaxeedka Shiinaha iyo Afrika oo socon doona inta u dhaxaysa 4-ta ilaa 6-da September, ayaa madaxda dalalka Afrika waxa ay la kulmi doonaan oo ay ka wadahadli doonaan siyaasadaha iyo heshiisyada iskaashi ee ay la yeelan doonaan mas’uuliyiinta hay’adda amaahda iyo maal-gashadayaasha ugu weyn qaaradda. Heshiisyadaasi waxay dejin doonaan qaabka xiriirka labada dhinac u kobcayo dhowrka sano ee soo socda.
War qoraal ah oo ay soo saartay wasaaradda arrimaha dibadda Shiinaha ayaa lagu sheegay in shirkani uu yahay “dhacdo dublamaasiyadeed ee ugu weyn” ee uu waddanku martigeliyo sannadihii u dambeeyay oo ay ka soo qaybgaleen madax ajaanib ah oo ugu sarraysay, iyada oo intaa ku dartay in shirkani uu ahaa “isku-imaatin weyn oo qoyska weyn ee Shiinaha iyo Afrika” .
Heshiisyadii shirarkii hore waxay fureen gelitaanka suuqyada alaabta ceeriin ee Afrika ee Beijing, iyo sidoo kale maalgashiga doolarka ee waddamada Afrika.
“Shiinuhu waligii kama leexan doono go’aankiisa ah inuu sii wado wadajirka iyo iskaashiga weyn ee Afrika,” ayaa lagu daray bayaanka.
