Sahan Media Muqdisho: Trump ayaa tagay Ankara, isaga oo ay wehelinayaan Xooghayaha Arrimaha Dibadda Marco Rubio iyo Xoghayaha Difaaca Pete Hegseth, si uu uga qayb galo shir laba maalmood ah oo NATO ah oo looga hadlayo kharashaadka difaaca.
Ka hor kulankiisa Madaxweynaha Turkiga Recep Tayyip Erdoğan, Trump wuxuu saxaafadda u sheegay inuu qaadi doono cunaqabataynta. Wuxuu intaas ku daray in Xoghayaha Arrimaha Dibadda iyo Xoghayaha Maaliyadda ay ka shaqeynayaan xalinta arrinta.
Trump sidoo kale wuxuu muujiyey rajo ku saabsan suurtagalnimada iibinta diyaaradaha F‑35 ee Turkiga, inkastoo uusan faahfaahin sida heshiiska loo samayn doono. Wuxuu yiri: “Turkiga, siyaabo badan, wuxuu ahaa mid daacad ka badan dalal kale oo aan u malaynaynay inay daacad yihiin… waana hubaa inaan arrintan eegno.”
Dhankiisa, Ra’iisul Wasaaraha Israa’iil Benjamin Netanyahu ayaa ka digay in Mareykanku ka iibiyo Turkiga diyaaradaha F‑35, isagoo sheegay in taasi “khaldi doonto miisaanka awoodda” Bariga Dhexe. Wuxuu CNN u sheegay in heshiis noocaas ahi “khaldin doono miisaanka awoodda Bariga Dhexe, sababtoo ah Turkigu, anigu waxaan aaminsanahay, wuxuu leeyahay hami dagaal oo ballaaran.”
