Sahan Media Muqdisho: Madaxweyne Recep Tayyip Erdoğan ayaa Madaxtooyada Dolmabahce kula kulmay Madaxweynaha Soomaaliya Xasan Sheekh Maxamuud.
Madaxda ayaa ka wada hadlay xiriirka labada dal ee Turkiga iyo Soomaaliya, iyo sidoo kale arrimaha gobolka iyo caalamka.
Isagoo sheegay in aan sii wadi doonno tallaabooyinka kor loogu qaadayo xiriirka Turkiga iyo Soomaaliya ee dhinacyo badan leh, gaar ahaan ganacsiga iyo tamarta, Madaxweyne Erdogaan ayaa xusay in billowga howlgallada uu markabka Çağrı Bey ka wado xeebaha Soomaaliya uu astaan u yahay iskaashigayada.
Isagoo hoosta ka xarriiqay taageerada Turkiga ee madax-bannaanida iyo wadajirka dhuleed ee Soomaaliya, Madaxweyne Erdogaan wuxuu xusay in taageeradayada ku aaddan in si dhammaystiran loo xalliyo arrimaha u dhexeeya Itoobiya iyo Soomaaliya ay sii socon doonto iyada oo aan hakad lahayn.
Madaxweyne Xasan kulanka waxaa ku weheliyay wasiirro ka tisan dowladda Somalia iyi safiirka somalia ee Turkiga, dhanka kale Madaxwene Erdogan waxaa kulanka ku wehliyey Wasiirka Tamarta iyo Kheyraadka Dabiiciga ah Alparslan Bayraktar, Agaasimaha Hay’adda Sirdoonka Qaranka Ibraahim Kalın, Madaxa Isgaarsiinta ee Madaxtooyada Burhanettin Duran, La-taliyaha Madaxweynaha ee Siyaasadda Arrimaha Dibedda iyo Ammaanka Akif Çağatay Kılıç, iyo La-taliyaha Sare ee Madaxweynaha Zafer Çubukcu.
