Sahan Media Muqdisho: Ra’iisul Wasaaraha Jamhuuriyadda Congo, Anatole Collinet Makosso ayaa madaxweynaha u gudbiyay istiqaaladiisa iyo iscasilaadiisa, taasoo u gogol xaareysa dhismaha dowlad cusub, sida lagu sheegay war qoraal ah oo ka soo baxay xafiiska madaxweynaha.
Talaabadan ayaa timid maalmo kadib markii madaxweyne Denis Sassou Nguesso loo dhaariyay markii shanaad ee xafiiska ka dib markii dib loo doortay 15-kii Maarso.
Inta laga soo dhisayo kooxda cusub ee dowladda, wasiirada xilka wareejinaya ayaa xaqiijin doona maaraynta arrimaha hadda taagan, ayaa lagu yiri qoraalka.
Makosso, oo xilka loo magacaabay 2021-kii, wuxuu muujiyay sida uu ugu mahadcelinayo Madaxa Qaranka kalsoonida uu ku qabo intii uu ku guda jiray gudashada waajibaadkiisa, wuxuuna tilmaamay in uu la shaqayn doono Madaxweynaha Jamhuuriyadda.
Intii lagu guda jiray xafladii dhaarinta ee usbuucii hore, Nguesso wuxuu ballan qaaday “inuu gacan ka geysan doono xallinta khilaafaadka wax u dhimaya qaaradda Afrika.”
