Sahan media Muqdisho: Soomaaliya waxa ay aad u daneyneysaa in ay la shaqeyso Azerbaijan, safiirka dalka Asarbayjaan ee Soomaaliya u fadhiya Ankara Fathudin Ospite ayaa ka sheegay kulan uu la qaatay Rashad Jabirli oo ah guddoomiyaha golaha sare ee ururka MUSIAD Azerbaijan.
Waxa uu xusay in Asarbayjan ay tahay dalka ugu dhaq-dhaqaaqa badan gobolka.
“Waxaan diyaar u nahay inaan Azerbaijan iskaashi dhinacyo kala duwan ah la yeelano, tanina waxay ku jirtaa dantayada,” ayuu yiri. Safiirka ayaa xusay in Muqdisho ay dejisay nidaam gaar ah oo ku aadan sidii loo xoojin lahaa wadashaqeynta Baku.
“Arrimahaas mudnaanta leh ayaa jira, waxaana daneyneynaa inaan iska kaashanno dhinacyada waxbarashada, beeraha iyo dalxiiska,” ayuu yiri danjiraha Soomaaliya.
Diblomaasiga Soomaaliyeed oo ku nuux nuuxsaday muhiimada ay warbaahintu u leedahay aqoonsiga wadamada ayaa xusay in ay wanaagsan tahay in ay isweydaarsadaan khibradaha warbaahinta Asarbayjaan iyo Soomaaliya.
Safiirka ayaa intaa ku daray in laga shaqeynayo sidii safaaradda Soomaaliya looga furi lahaa dalka Asarbayjan.
Intii uu socday kulanka, guddoomiyaha guddiga maamulka ee MUSIAD Asarbayjan, Rashad Jabirli, ayaa warbixin buuxda oo ku saabsan Asarbayjan siiyey safiirka.
“Asarbayjaan waxay leedahay awood dhinacyo badan. Hadda, dhinaca beeraha iyo dalxiiska, ayaan horumarinaynaa,” Rashad Jabirli ayaa yiri.
Waxa uu xusay in dalku uu leeyahay shuruudo dhaxal gal ah oo lagu maalgashan karo dhinacyo kala duwan.
“Asarbayjan waxay martigelisay dhowr dhacdo oo muhiim ah oo caalami ah sanadihii ugu dambeeyay, waxaana ka mid ah COP29. Dhacdadani waxay mar kale caddaynaysaa muhiimada Asarbayjan,” ayuu yiri Jabirli.
