Sahan Media Muqdisho: Ismariwaaga u dhexeeya Maraykanka iyo Iran ee ku saabsan marin biyoodka Hormuz oo wali xiran waxa uu hoos u dhigay kaydinta shidaalka. Maamulka Trump ayaa aaminsan in go’doominta Maraykanka ee maraakiibta Iran oo labo toddobaad jirsatay ay dhawaan jilbaha dhulka u dhigi doonto Tehran oo ay ku qasbi doonto inay xirto ceelasheeda saliidda maadaama aysan jirin meel lagu kaydiyo.
Iran way ka war qabtaa caqabadaha jira, waxayna u xusul duubaysaa sidii ay u heli lahayd meelo ay ka dhoofiso shidaalkeeda cayriin maadaama dhoofinta saliidda ay hoos u dhacday. Laakiin Tehran ayaa sidan oo kale dhowr jeer oo hore ay usoo martay, iyada oo cunaqabatayn ba’an saareen maamulka Obama iyo Trump, labada maamul midkoodna khasaare joogto ah uma gaysan goobaha saliidda ee dalka Iraan.
Dhanka kale, xulafada khaliijka Mareykanka ayaa durbaba uu xirmay wax soo saarkooda, taas oo si guud ah uga badan wax kasta oo Iran ay la kulmi lahayd, Taasoo ay weheliso kor u kaca qiimaha saliidda. Saliida Maraykanka ayaa kor u kacday in ka badan $100 fuustadii maalintii shalay ahayd, waxaana heerka caalamiga ah uu kor u dhaafay $111 foostadii.
Ku qasbida Iran inay yarayso wax soo saarka saliida oo leh cawaaqib xumo aad u daran ayaa ah fikradda guud ee ka dambeysa go’doominta maamulkan la geliyay 13-kii Abriil.
Madaxweynaha Mareykanka Donald Trump ayaa usbuucan dhamaadkiisa sheegay in xiritaanka dhow ee Iran ee soo saarista saliidda ay ka dhigi doonto in keydadkeeda saliidda ay qarxaan ama buuxsamaan. ” Xoghayaha Maaliyadda ee Mareykanka Scott Bessent ayaa saadaaliyay in xiritaanka wax soo saarku uu dhalin doono gaas yaraan gudaha Iran, iyo malaha cadaadis weyn oo gudaha ah oo fuuli doona nidaamka dalka. dadka u dooda xeeladan ayaa ku doodaya in xiritaanka dheer ee goobaha saliida Iran ay curyaamin doonto qayb muhiim ah oo ka mid ah awoodooda dhoofinta ayna kordhin doonto cadaadiska maaliyadeed ee nidaamkan.
Iran waxa ay ka faa’iidaysatay booyado faro-ku-tiris ah oo soo noqday oo faaruq ah, kuwaas oo ku dhex galay go’doominta Maraykanka si ay qaar halkaas ugu kaydiyaan. laakiin dhibaatooyinka noocan ah waa caqabad ay Iran la kulmaysay tobaneeyo sano.
“Iran ma dhowdahay inay xiraan wax soo saarkooda shidaal? Maya, booyadaha faaruqa ah ayaa wali ka imanaya adduunka oo ku socda jasiiradda Kharg, Iraan waxay weli haysataa ​​qayb ka mid ah kaydkeeda shidaalka badda, Gaadiidka shidaalkuna weli waxay u socdaan Iran.”
