Sahan media Muqdisho: Masar ayaa Axaddii carrabka ku adkeysay muhiimadda ay leedahay in la helo amni, xasillooni, iyo nabad ka dhalata Soomaaliya oo tiir-dhexaad u ah amniga iyo xasilloonida gobolka oo dhan.
Qaahira ayaa sidoo kale xaqiijisay inay si buuxda u taageersan tahay Muqdisho.
Bishii Janaayo ee la soo dhaafay, Masar waxay ku nuuxnuuxsatay inay lama huraan tahay in si buuxda loo ixtiraamo midnimada iyo madax-bannaanida Soomaaliya ee dhulkeeda, iyadoo muujisay inay si buuxda u diiddan tahay tallaabo kasta oo wax u dhimaysa madax-bannaanida Soomaaliya.
Arrintan ayaa ka dambeysay ka dib markii Itoobiya ay heshiis is-afgarad ah la gashay Somaliland, kaasoo Addis Ababa u ogolaanaya inay gasho badda cas oo halbowle u ah ganacsiga caalamiga ah. Taas beddelkeeda, Itoobiya waxay ku fikiri lahayd inay aqoonsato madax-bannaanida Somaliland.
Muqdisho ayaa diiday heshiiskii is-afgaradka, iyadoo sheegtay inuu ku xad-gudbay qaranimadeeda.
Ra’iisul Wasaaraha ayaa xaqiijiyay in Masar ay si buuxda u garab taagan tahay Soomaaliya marka la eego xiriirka dhow ee taariikhiga ah ee labada dhinac.
Madbouly ayaa danjiraha ka codsaday in uu salaan ka gaarsiiyo Ra’iisul Wasaaraha Soomaaliya, waxa uuna muujiyay sida uu u doonayo in la xoojiyo wadashaqeynta labada dal.
Safiir Ilyaas ayaa dhankiisa bogaadiyay wadashaqeynta uu ka helay hay’adaha dowladda Masar, wuxuuna carrabka ku dhuftay in Soomaaliya ay ku rajo weyn tahay inay taageerto Masar, gaar ahaan marka la eego caqabadaha siyaasadeed iyo kuwa amni ee dalka uu wajahayo.
