Sahan media Muqdisho: Dowladda Soomaaliya ayaa sheegtay in shan ka mid ah askarteeda ay ku dhinteen dagaal ay ku dileen ku dhawaad 50 dagaalyahan oo ka tirsan kooxda Al-Shabaab Sabtidii, meel qiyaastii 350 KM dhanka waqooyi ka xigta magaalada caasimadda ah ee Muqdisho.
Ciidamada dowladda iyo kuwa Maleeshiyada taageersan ayaa ka war helay weerar qorsheysan oo Al-Shabaab ay ku qaadeen degmada Ceeldheer ee gobolka Galgaduud, halkaasi oo ay ku qaadeen weerar gaadmo ah oo ay ku burburiyeen.
Ciidamadoodu waxay dileen ugu yaraan 47 ka tirsan kooxda xagjirka ah halka ay shan askari kaga dileen dagaalka, ayuu yiri maamulku. Waxa ay sheegeen in sidoo kale duqeymo dhanka cirka ah lagu qaaday ciidamada Al-Shabaab.
Al-Shabaab ayaa sheegatay mas’uuliyadda weerarkii Ceeldheer.
Maxamed Xuseen oo ka mid ah dadka deegaanka oo khadka taleefoonka ugu waramay wakaalada wararka ee AFP ayaa yiri: “Dagaal culus ayaa saaka ka dhacay magaalada Ceeldheer kadib markii Al-Shabaab ay dhowr jiho ka soo weerareen magaalada.
“Muddo ka hor aad ayay u adkeyd in la sheego cidda gacanta ku haysa balse hadda waxaan aragnaa in ciidamada dowladda Soomaaliya ay si buuxda gacanta ugu hayaan,” ayuu hadalkiisa ku daray.
Nin kale oo deegaanka ka tirsan oo lagu magacaabo Xasan Guutaale ayaa yiri: “Waxaa jiray ugu yaraan lix qarax oo culus iyo dagaal socday saacado badan.” Madaxweynaha Soomaaliya Xasan Sheekh Maxamuud ayaa wacad ku maray in uu “dagaal guud” la geli doono kooxda Islaamiga ah.
Dowladda Federaalka Soomaaliya oo garab ka helaysa Ciidamo ka tirsan kuwa Midowga Afrika ee AMISOM ayaa howlgal qorsheysan oo ay ka fuliyeen qeybo ka mid ah G.Mudug waxa ay ku qaadeen fariisimo shabaab ay ku leeyihiin halkaasi.
Balse weerarka ayaa la kulmay dib u dhac, iyadoo Al-Shabaab ay horaantii sanadkan sheegtay in ay ka qabsadeen deegaano badan oo ku yaala bartamaha dalka.
