Sahan media Muqdisho: Amiirka Kuwait ayaa kala diray baarlamaanka, waxaana uu la wareegay howlihiisa qaar, warbaahinta dowladda ayaa sheegtay, todobaadyo kadib markii dalka Kuwait ay ka dhacday doorasho.
Amiir Sheikh Mishal al-Ahmad al-Sabah iyo golaha wasiirada ee uu magacaabay boqortooyadu waxay la wareegi doonaan qaar ka mid ah awoodaha 50-ka xubnood ee Baarlamaanka Qaranka, ayuu Jimcihii ku sheegay khudbad uu ka jeediyay telefishinka qaranka.
Waxa uu sidoo kale hakiyay qodobo aan la cayimin oo dastuurka ka mid ah “muddo aan ka badneyn afar sano”, isagoo aan faah faahin ka bixin.
“Jawiga caafimaad-darrada ah ee Kuwait soo martay sannadihii hore ayaa dhiirigeliyay faafitaanka musuqmaasuqa si uu u gaaro inta badan xarumaha dawladda, nasiib darro waxay gaartay hay’adaha amniga iyo dhaqaalaha,” ayuu yiri taliyaha 83-jirka ah, isagoo raaciyay “xataa waxay saameysay nidaamka cadaaladda”.
“Waxaan la kulannay dhibaatooyin iyo caqabado aan loo dulqaadan karin,” ayuu yiri.
Doorashadii dhacday bishii April ayaa ahayd tii ugu horeysay ee uu qabto Sheikh Mishal, kaasoo xukunka qabtay bishii December ee la soo dhaafay ka dib markii uu geeriyooday walaalkii oo ay isku aabe ahaayeen iyo Madaxweynihii ka horeeyay, Sheikh Nawaf al-Ahmad al-Jaber al-Sabah.
Khilaafaadka soo noqnoqday ee u dhexeeya Golaha Shacbiga iyo golaha xukuumadda ayaa sababay in la kala diro baarlamaanka, hoos u dhigista maalgashiga iyo dib u habeynta loogu talagalay in lagu dhimo ku tiirsanaanta dalka ee dakhliga shidaalka.
Maanta oo ahayd markii ugu horreysay oo baarlamaanka uu kulmo, balse siyaasiyiin badan ayaa diiday inay ka qaybgalaan xukuumadda.
Amiirka ayaa sheegay in fashilinta dowlad la’aantu ay ka dhalatay “Awaamiirta iyo shuruudaha qaar” sharci-dejiyeyaasha.
“Kuwait waxa ay soo martay waqtiyo adag waayadan… taas oo aan meelna uga tagin dib u dhac ku yimaada go’aanka adag ee lagu badbaadinayo dalka iyo sugidda danihiisa ugu sarreeya,” ayuu yiri Sheekh Mishal.
