Sahan media Muqdisho: Wasiir Bayraktar ayaa ku dhawaaqay hawl-galinta shir ka dhacay caasimadda Ankara 2-dii Oct kaas oo daba socda heshiiskii Turkiga iyo Soomaaliya ay kala saxiixdeen ee ku saabsan sahaminta shidaalka ee saddex baloog oo loo qoondeeyay inay ka baxaan xeebaha.
Sida ku cad heshiiska la soo gabagabeeyey bishii Luulyo, Turkiye waxay yeelan doontaa xuquuq gaar ah si ay u sahamiso oo ay u soo saarto hydrocarbons ee baloogyada, oo mid kastaa uu daboolayo qiyaastii 5,000 kiiloomitir oo laba jibbaaran.
Labo ka mid ah baloogyada ayaa ku yaal meel qiyaastii 50 kiiloomitir u jirta xeebaha Soomaaliya, halka ta saddexaadna ay ku taal meel 100 kilomitir u jirta xeebta.
Oruç Reis wuxuu sameyn doonaa “cilmi-baaris seismic ah oo aad muhiim u ah oo socon doonta bilo,” taas oo horseedi karta sahaminta, qodista iyo suurtagalnimada daahfurka, ayuu yiri wasiir Bayraktar.
Bayraktar oo heshiiska ku tilmaamay mid “tallaabo taariikhi ” u ah labada dal ayaa sheegay in markabka ay la socdaan 50-shaqaale ah iyo shan markab oo taageero ah oo ku wajahan Soomaaliya.
Turkiga waxa ay haysaa todoba markab oo u heellan sahaminta iyo soo saarista shidaaalka ee badda. shidaal soo saarista waxaa ku jira Oruç Reis iyo Barbaros Hayreddin Paşa, oo ah markab kale oo cilmi baaris seismic ah, iyo sidoo kale maraakiibta qodaya Fatih, Yavuz, Kanuni iyo Abdülhamid Han.
