Sahan media Muqdisho: Guddoomiyaha Mejlis Dunyagozel Gulmanova ayaa la kulmay Safiirka Soomaaliya ee Turkmenistan (ee degan Ankara) Fatxudin Ali Mohamed, oo uu ka gudoomay warqadihiisa aqoonsiga.
Isagoo ku hadlaya magaca Madaxweynaha Turkmenistan, Guddoomiyaha Mejlis ayaa ugu hambalyeeyay Safiirka xilka loo magacaabay.
Danjire Fathudin Ali Mohamed ayaa u gudbiyay Madaxweyne Serdar Berdimuhamedov salaan uu uga siday madaxda Soomaaliya, wuxuuna u rajeeyay wanaag iyo barwaaqo dhammaan shacabka Turkmenistan.
Intii uu socday kulanka, diblumaasigu waxa uu bartay qaybaha muhiimka ah ee siyaasadda gudaha iyo dibadda ee Turkmenistan, taas oo looga golleeyahay horumarinta iskaashiga faa’iidada u leh dhammaan dalalka daneeya adduunka. Safiirka ayaa sidoo kale ka warbixiyey hawlaha shaqo ee Mejlis of Turkmenistan.
Danjire Fatxudin Ali Mohamed oo ka mahadceliyey soo dhaweynta ay u sameeyeen dhanka Turkmenistan ayaa xusay in ay sharaf weyn u tahay in Soomaaliya uu ku matalo dalka Turkmenistan.
