Sahan media Muqdisho: Maxkamadda dastuuriga ah ee Uganda ayaa diiday codsi lagu doonayay in lagu baabi’iyo sharciga ka dhanka ah khaniisiinta kaas oo si buuxda loo cambaareeyay si caalami ah oo lagu tilmaamay mid ka mid ah kuwa ugu adag adduunka.
Maxkamaddu waxay Arbacadii ogaatay in qaybo ka mid ah sharciga ay ku xad-gudbeen xuquuqda caafimaadka, sirta iyo xorriyadda diinta” laakiin ma aysan xannibin ama joojin sharciga.
“Waxaan diidnay inaan baabi’ino sharciga ka-hortagga Khaniisnimada ee 2023-ka gabi ahaan, mana bixin doono amar joogto ah oo ka dhan ah dhaqangelintiisa,” Garsoore Richard Buteera, ku xigeenka madaxa cadaalada Uganda iyo madaxa maxkamadda, ayaa ku yiri xukunkan muhiimka ah.
Sida laga soo xigtay talefishinka Uganda ee NTV, maxkamadda oo ka kooban shan xubnood ayaa gaartay go’aan mideysan oo ay ku diiday codsiga ka dhanka ah sharciga, kaasoo taageero ballaaran ka heysta shacabka dalkaasi.
War qoraal ah oo lagu daabacay bogga X, Madasha Wacyigelinta iyo Horumarinta Xuquuqda Aadanaha ee fadhigeedu yahay Uganda waxay ka digtay in go’aanka “nasiib daro uu sii hurin doono xadgudubyada xuquuqda aadanaha” ee ka dhanka ah bulshada khaniisiinta ah ee dalka.
Steven Kabuye, oo 25 jir ah u dhaqdhaqaaqa isla markaana ah agaasimaha fulinta ee kooxda u doodda Colored Voice Truth ee LGBTQ, ayaa sidoo kale ka digay khatarta go’aanka maxkamadda. Bishii Janaayo, waxaa mindi ku weeraray kooxo aan la garaneyn ka dib markii loogu hanjabay in la dili doono u doodistiisa.
“Go’aanka maxkamada wuxuu furay sanduuqa Pandora’ kaas oo nolosha khaniisiinta Uganda ku sii kordhin doona mugdi,” ayuu ku qoray X.
