Sahan media Muqdisho: Xildhibaanno aad u tiro badan oo Muslimiin ah ayaa kuraas ka helay doorashadii baarlamaanka ee Britain in kasta oo ay sare u kacday Islaam nacaybka, sida ay sheegtay warbaahin weyn oo Muslim ah.
Sanadkan oo Rikoorka la jabiyay 25 Muslimiin ah ayaa heshay codka kalsoonida shacabka Ingiriiska, marka loo eego sanadkii 2019, oo 19 xildhibaan muslin ah loo doortay Aqalka Hoose ee Baarlamaanka.
Xubnaha la doortay 18 ka mid ah waxay ka socdaan xisbiga shaqaalaha, afarna waa madax bannaani, laba waxay ka socdaan xisbiga Konserfatifka iyo mid ka socda xisbiga Libaraalka.
Wargeysku wuxuu iftiimiyay in taageerada codbixiyayaasha Muslimiinta ee Gaza ay si weyn u saamaysay doorashada, iyadoo shan musharax oo madax bannaan, oo ay ku jiraan afar Muslimiin ah, ay ku guuleysteen kuraasta.
Iyadoo xustay in 3.4 milyan oo Muslimiin ah ay ku nool yihiin dalkaas, waxay sheegtay in doorashadu ay ka dhigan tahay guul weyn oo laga gaaray siyaasadda UK, taasoo ka tarjumaysa kala duwanaanshaha sii kordhaya iyo saameynta ay bulshooyinka Muslimiinta ku leeyihiin siyaasadda Britain.
