Sahan media Muqdisho: Ugu yaraan 16 qof ayaa dhimatay 28 kalena waa la la’yahay ka dib markii doon ay saarnaayeen dad magangalyo doon ah ay ku degtay xeebaha dalka Jabuuti ee Geeska Afrika, sida ay sheegtay hay’adda socdaalka ee Qaramada Midoobay.
Shilkan ayaa dhacay habeenimadii Isniinta, qiyaastii laba toddobaad ka dib markii doon kale oo ay la socdeen dad Itoobiyaan ah oo u badnaa magangalyo doon ay ku degtay xeebaha Djibouti, halkaas oo ay ku dhinteen dhawr iyo toban qof, iyada oo ku sii jeedday waxa loogu yeero “dariiqa socdaalka bari” ee ka imanaya Afrika ilaa Bariga Dhexe.
“Masiibo doon ku dagtay xeebaha Jabuuti oo ay saarnaayeen 77 muhaajiriin ah oo ay ku jiraan caruur,” Hay’adda Socdaalka Adduunka (IOM) ayaa Talaadadii ku sheegtay qoraal ay soo dhigtay X.
“Ugu yaraan 28 waa la la’yahay. 16 ayaa dhintay,” ayay tiri, iyadoo raacisay in laanta IOM ee maxalliga ah ay “ku taageerto maamulka maxalliga ah dadaal goobid iyo samatabbixin ah”.
Yvonne Ndege, oo ah af hayeen u hadashay wakaaladda ayaa wakaaladda wararka ee AFP u sheegtay in 16-ka qof ee dhintay ay ku jiraan carruur iyo ilmo yar, iyadoo aan bixin faahfaahin dheeraad ah.
Safiirka Itoobiya u fadhiya Jabuuti, Berhanu Tsegaye, ayaa u sheegay X in doonida ay la socdeen dad Itoobiyaan ah oo ka yimid Yemen, shilkana uu ka dhacay meel ka baxsan Godoria ee waqooyi bari Jabuuti.
Waxa uu sheegay in 33 qof oo ay ku jirto hal qof oo dumar ah ay ka badbaadeen.
